ABŞ-da dərc olunan hesabata görə, ölkədəki universitetlər arasında ifadə azadlığına görə sonuncu yerdə olan Harvard Universiteti “bərbad” qiymət alan yeganə universitet olub.

ABŞ Fərdi Hüquq və İfadə Fondu (FIRE), “Amerikada Universitet Kampuslarında İfadə Azadlığının Vəziyyəti Necədir?” adlı hesabat dərc edib.
Universitetlərdə ifadə azadlığının 100 üzərindən qiymətləndirildiyi hesabatda The World University Rankings-in 2022-ci il reytinqinə görə dünyanın ikinci ən yaxşı universiteti olan Harvard Universiteti sıfır xalla sonuncu yerdə olub. Universitet ən pis reytinqli ikinci universitetdən 11 pillə geriləyib.
Hesabatda ifadə azadlığında “bərbad” olan Harvard Universitetinin balının “comərdliklə” verildiyi, universitetin faktiki ifadə azadlığı balı isə -10,69 olduğu bildirilib.
Qiymətləndirmədə tələbələrin oxuduqları universitetlərdə ifadə azadlığı ilə bağlı fikirləri də nəzərə alınıb.
Tələbələrin 56 faizi dediklərini və ya etdiklərini düzgün başa düşmədikləri üçün reputasiyalarının zədələnməsindən narahat olduqlarını bildiriblər. Digər tərəfdən, tələbələrin 26 faizi dərslərində mübahisəli mövzulara girməkdən çəkindiklərini bildirib.
İfadə azadlığı balı məktəbin bu istiqamətdə apardığı siyasət, təhsil işçiləri və şagirdlərin çıxışlarına görə hakimiyyət tərəfindən hədəfə alınması kimi amillər əsasında hesablanır.
İfadə azadlığı pozulan insanların hüquqlarını məktəb rəhbərlərinin müdafiə etməsi ballarla mükafatlandırılır.

Məsumə İmran