Davamlı şəkildə dərsliklərin dəyişdirilməsi ciddi problemlər yaradır. Müəllimlər dərs izahı, testlər, imtahanlar üçün əziyyət çəkirlər. Çünki müəllimləri konkret maarifləndirmir, vəziyyət haqqında məlumat vermirlər. ARTİ bir dərsliyi ictimaiyyətə təqdim edib, digərləri haqqında, ümumi sistem haqqında, proqramın gedişatı haqqında müəllimlərə heç bir məlumat verməyib! Bu şəkildə müəllimlər öz işlərini həm düzgün, həm də keyfiyyətli nücə qursunlar?

ARTİ bu sahədə hər sahədə olduğu kimi heç də operativ, şəffaf və düzgün işləmir. Dərsliklərin dəyişdiriləcəyi və inteqrasiya olunduğu deyilsə də, əlimizdə sadəcə bir dərslik var. Təbii ki, bu anlaşılandır, pulla, qohum, tanışla ancaq o qədər adam tapa bilirlər, savadlı kadr deyil, başqa işçilər əsas olduğundan dərsliklər üçün müəlliflər axtarmaq da bir "problem" olmuşdur. Hər il bir dərsliyin çapı normal qarşılana bilər, amma konkret sistem yaradılmadan, eskiz, maket verilmədən birdən - birə al bunu keç, qalanın biz verərik demək bütün Azərbaycan müəllimlərini alçaltmaqdan başqa bir şey deyil. Normal tam proqramı verin, sonra dərslikləri bir-bir çap edin. Yoxsa müəllim, 5-ci sinifdə nə qədər keçim, 6-cı sinifdə görəsən bu davam edəcəkmi?, görəsən 9-cu sinifdə bu varmı deyə çarəsiz, şagird qarşısında pis vəziyyətdə qoymaq heç vaxt uğur, inkişaf ola bilməz. Müəllim sistemi bilməli, ona uyğun hərəkət etməlidir. Bütün sistemi dəyişib müəllimi oyuncağa çevirmək müəllimləri alçaltmaqdan başqa bir şey deyil.

Davamlı dərsliyi dəyişib, müxtəlif yaş dövründə formalaşdırılan bilik və bacarıqları daha aşağı siniflərə salırlar. Əgər bu gün biz 100 müəllimdən soruşanda 100- də şikayət edirsə, bu necə təhsildir? Təhsil kimə işləyir? Kimin üçün işləyir? Uşaqlar tab gətirə bilmir, materiallar, dərs yükü çox ağırdır deyə müəllimlər, direktorlar, valideynlər davamlı bildirir. İnsanlar nə etməlidir?! Daha başqa fikirlərini necə bildirməlidirlər?

ARTİ başqa ölkələrə baxıb ora çatmağa çalışarkən arxasında bir millətin, bir Azərbaycan xalqının durduğunu və insanları şikəst etdiyini görmürmü? Danışanda taksonomiyanın zəncirvari quruluşundan danışırlar amma özləru xatırlamaq mərhələsindən yaratmaq mərhələsinə qaçır bir milləti öz rüşvətxorluqları hesabına şikəst edirlər? Yoxdur həqiqətən bir rəhbər, bir müəllim vəziyyəti elan edə, həqiqəti göstərə, insanları oyada, təhsilimizi azad edə...