"Müasir metodist" layihəsi öz uğursuz yatırımı ilə təhsilə yeni bir zərbə vurmağa başlayır. Artıq ilkin görüşlər keçirilir. Bütün müəllimlər, sahə üzrə mütəxəssislər bunun çox yanlış bir addım olduğunu vurğulasa da, seçimlərin düzgün keçirilmədiyini bildirsə də, ARTİ bu layihəni həyata keçirir. 7 milyon manat pul ayrılan bu layihə yeni bir yeyinti mənbəyi kimi özünü "doğrultmaq" yolunda addımlayır. Təəssüflər ki, heç kim layihənin uğuru və ya təhsildə hansı rol oynayacağını düşünmür. Artıq reklamlar başlanılıb, metodist nədir, necə seçilir və s kimi manipulyasiyalarla insanları aldatmaq və inandırmaq kompaniyası keçirilir. Qoşulanları isə yenə eyni şəkildə manipulyasiya edərək daha üstün mövqe sahibi olmaq və müəyyən səlahiyyət və məsuliyyətlərlə boyayırlar. Əslində isə məsələ absurd və gülüncdür. Metodist yaratmaq o qədər bəsit deyil. Hələ də bizim kimi kurikulumu formalaşdırmağı bacarmayan, məzmun xətləri uğursuzluğa düçar olmuş, dərslikləri səhv hazırlanmış, 18 ildə heç bir metodiki səriştə formalaşdıra bilməyən eyni komanda MDPİM indi də bu yaramaz əməlləri ilə yenilik adı altında pul qazanmağa çalışır. Təbii ki, hər zaman olduğu kimi bu yeyintini açan, layihəni satan şəxsə də daha yüksək bir VƏZİFƏ verildi. Hər zaman olduğu kimi bu proses addımbaaddım izlənilib həyata keçirilir. Kimsə bunun mənfi olmasını və əksinə məktəbdə daha ciddi problemlər yaradacağını, məktəbkənar fəaliyyətlərdə təlimçilərin çoxalması, ayrı-seçkilik, repetitorluğun artması, digər metodbirləşmə və bu tip vəzifədə çalışanların işdən çıxarılmasını düşünməyəcək. Kimsə başdansovdu və yanlış işlənilmiş proqramın, dəfələrlə səhv edib düzəltməyə çalışdığı proqramın, səhvlərini təkmilləşmə adı ilə yalanlarla dəyişdiyi proqramın əslində savadsız ARTİ kadrlarının heç bir metodist yetişdirə bilmədiyini görmür. Necə ola bilər ki, 18 ildə heç altstandart nədir, nəyə yarayır, qiymətləndirmə meyarı necə çıxarılır hələ özləri yeni-yeni öyrənməyə çalışır amma durub indi belə bir layihə yaratmaq həm də tamamilə yanlış addımlarla... Bu gülüncdür.
Metodist- digər müəllimlərə görə daha üstün, yani hətta onlara öyrətmə potensialında olan şəxslərdir və özü bir şey bilməyən, təhsili məhv edənlər indi bu addımı atırlar.