Trendə qoşulmaq cəmiyyət tərəfindən qəbul edilmək məntiq xətasıdır. Yəni siz Trendlərə qoşulduqca mənfi ya da müsbət fərq etməz, əslində ağıllı (tənqidi təfəkkürlü) olmadığınızı, hətta düşünmə qabliyyətinizin (məntiqi təfəkkürünüzün belə olmadığını) olmadığını sübut etmiş olursunuz. Yəni sürü psixologiyası, "palaza bürün, el ilə birlikdə sürün." yanaşması ilə hərəkət etmiş olursunuz. Şəxsi düşüncəsi, xarakteri, yanaşma şəkli olmayan, analiz etməyi bacarmayan, nəyi niyə etdiyini dərk etməyən bir insan olduğunu sübut etmiş olursan. Beləliklə, bu səviyyənin yerlərdə olduğunu göstərir. Eyni şey təhsilimiz üçün də özünü göstərir. Digər ölkələr nə edirsə, onu etməyə çalışırlar. Digər ölkələrdə nə varsa, onu Azərbaycana gətirirlər. Bizim mentalitetimiz, dəyərlərimiz, hazırlıq səviyyəmiz, maddi-texniki bazamız var ya da yox... Bu heç kimin vecinə deyil. Ancaq gördüklərini gətirirlər və yarım bir vəziyyətdə, heç bir nəticə olmadan sadəcə maliyyə problemi yaradan, korrupsiya əməllərini ortadan qaldıran bir yenilik adı ilə təqdim edirlər. Bu istər dərslik, istər tədris proqramı, istər layihə, istər olimpiyada, yarış, müsabiqə, istərsə də digər qurumlarımızın iş rejiminin birbaşa xarici təcrübədən alınması buna nümunə ola bilər. Təəssüf ki, belə bir halda nə mütəxəssis, nə peşəkar səviyyədə bir iş, nə də uğurlu bir sistem formalaşdırmış oluruq. Bu da öz növbəsində təhsilimizdə dağıdıcı təsirlər yaradır. Bu da təhsil sahəsində çalışanların özlərinin təfəkkürünü inkiçaf etdirməsi, yəni birbaşa tənqidi və yaradıcı təfəkkürlərini formalaşdırması lazımdır. Yeri gələrsə, yeni gənc kadrları 5-10 illik iş təcrübəsi üçün proqramları satın aldığınız ölkələrə öyrənməyə göndərib sistemli şəkildə hesabatla yeniliyin ortaya qoyulması və tədrisini təşkil etmək olar. Amma Azərbaycanda xaricə gedən, arxasında adamı olan, layihədə ya da təlimdə iştirak edənlərə sanki çox böyük bir işmiş kimi yanaşıb sadəcə istədiklərini önə çıxarırlar(vəzifə satırlar). Bizim isə belə saxta sənədlərə və daydaylı adamlara yox, gedib işin praktikasını uzunmüddətli yerində öyrənən və bizim dəyərlərlə əlaqələndirib uzunmüddətli bir sistemlə edə bilər. Amma, təbii ki, bu sadəcə bir yoldur. Önəmli olan reallığı qəbul etməkdir. Reallıq qəbul olunmazsa, yerimizdə saymağa və təhsilimizi məhv etməyə davam edəcəyik.