DİM-dən "TehsilMedia.az"a bildirilib ki, ədəbiyyat fənni üzrə gündəlik məsələ 21 may 2022-сü il tarixində keçirilmiş qəbul imtahanında istifadə edilmiş tapşırıqların müzakirəsi olub. Tapşırıqlar çətinlik dərəcəsi, qabiliyyət göstəricisi və mövzulara uyğunluq baxımından müzakirə edilib.

Müzakirələr nəticəsində tapşırıqların qəbul proqramına, müvafiq fənn kurikulumunun təlim nəticələrinə uyğunluğu öz təsdiqini tapıb. Tapşırıqlarda elmi-metodik səhvlər yoxdur.

İngilis dili fənni üzrə gündəlik məsələ isə respublikanın ümumtəhsil müəssisələrində qüvvədə olan 9-cu sinif üçün "İngilis dili” dərsliyi əsasında hazırlanmış qiymətləndirmə kitabçasının təkmilləşdirilməsi olub. Dərslikdə verilən 6 bölmənin hər biri mövzu baxımından təhlil edilib. Dərslikdəki dəyişikliklər kitabçada nəzərə alınıb.

İclaslarda iştirakçılar tərəfindən müzakirə edilən məsələlərlə bağlı fikir bildirilib və təkliflər verilib.