Xəbər verdiyimiz kimi, ümumi (9 illik) orta təhsil bazasında orta ixtisas təhsil müəssisələrinə ixtisas seçimi 7 avqust tarixində yekunlaşdı.

İxtisas seçimində yenidən iştirak etmək istəyən namizədlər boş qalan yerlərə qəbulun nə zaman olacağı barədə kütləvi suallar ünvanlayırlar.

DİM-dən bildirilib ki, Ümumi (9 illik) orta təhsil bazasında orta ixtisas təhsili müəssisələrinin boş qalan yerlərinə ixtisas seçimi 2023-cü il avqustun 31-dən sentyabrın 4-dək aparılacaq.

Qeyd edək ki, İxtisas seçiminə qəbul imtahanında topladıqları ümumi balı 50-dən, Azərbaycan dili və ya rus dili fənni üzrə balı 20-dən və riyaziyyat fənni üzrə balı 10-dan az olmayan abituriyentlər buraxılırlar.