"Məktəb direktorunun kişi və ya qadın olmasının heç bir əhəmiyyəti yoxdur. Çünki yaxşı idarəçi həm qadın, həm də kişi ola bilər".
TehsilMedia.az xəbər verir ki, bunu Milli Məclisin deputatı Ceyhun Məmmədov bildirib.
Onun sözlərinə görə, müşahidələr onu göstərir ki, məktəbi idarə edən şəxs bacarıqlı və təcrübəlidirsə, onun kişi və qadın olmasının heç bir əhəmiyyəti yoxdur:
"Hansısa təhsil müəssisəsinə məktəb direktoru təyin edərkən onların yalnız savadı və biliyi deyil, təcrübə və psixoloji durumu da nəzərə alınmalıdır. Əsas diqqət direktorların qadın və ya kişi olması məsələsinə yox, onların təcrübəsinə, vicdanlı və təmiz olmasına diqqət yetirilməlidir. Təcrübəsi olmayan, insanlarla işləməyi bacarmayan şəxslərin məktəbdə direktor təyin olunması məsələsinə yenidən baxmaq lazımdır".