Sinqapur təhsil sisteminə keçid etmişik yeni dərsliklər hazırlanır.

Birinci səhv, dərsliklər müəllim və şagirdlərə eyni anda təqdim edilir. Üstəlik orda yeni yazılan nəyisə bilmədiklərinə görə ittiham olunur, alçaldılırlar. Bu ən böyük yanlışlıq və hörmətsizlikdir. Müəllimlərə öncə təqdim edilməli və tam şəkildə izahat verilməlidir. Təlimlər vasitəsilə, oyunlar vasitəsilə yox. Normal kitabları ictimaiyyətə təqdim edib daha sonra ümumi şəkildə canlı yayımla müzakirə təşkil edilməli və bütün suallar cavablandırılmalıdır. Hətta müvəqqəti dəstək kimi bir vatsap nömrəsi ayrılıb tək-tək suallar cavablandırılmalıdır. Sonrasında dərs keçirilməyə başlanılmalıdır.

İkinci səhv bütün kitablar praktika üzərində hazırlanıb. Təbiət elmləri ümumiyyətlə 5E modeli əsasında keçirilməsi nəzərdə tutulmuşdur. Halbuki əksər məktəblərdə nə labaratoriya, nə də labaratoriya avadanlıqları mövcuddur. Bu şəkildə kitab daha da anlaşılmaz bir hal alır və 45 dəqiqə daha səmərəsiz olur. İndi burda Aynur Rüstəmova çıxıb yaxşı müəllim belə, elə deyə bilər amma onun yalanlarına kimin inanmanmağından asılı olmayaraq biz inanmırıq və absurd olduğunu bilirik. Birinci, maddi - texniki baza, infrastruktur təmin edilməli, daha sonra keçid edilməli idi. Amma yenə də bunu etmədilər. Özləri üçün min bəhanə desələr də nəticə olmadı və olmayacaq.

Üçüncü məsələ isə Sinqapurda şagirdləri təmin edirlər. Bizdə uşaqları nə ilə təmin edirlər??? Məktəblərdə şagird sayına uyğun kitablar belə normal verilmir, əksər məktəblərdə informatika, hərbi, bədən tərbiyəsi, labaratoriya, kitabxana, akt zalı yoxdur! Orda müəllimlərin maaşları, artımları, əlavələri və hörmətləri var. Bizdə isə əksinədir. Siz nəyin uğurundan danışırsız?!

Sizin pul hərisliyiniz ucbatından, saxta monitorinqləriniz ucbatından şagirdlər həm mənəvi, həm fiziki əziyyət çəkir, ciddi problemlər yaranır. Heç bir irəliləmə qeyd etmədiyimiz və layihələriniz uğursuzluğa düçar olduğu halda sizə xəyali bir artım yaradıb getdikcə inkişaf edirsiz. Siz qaçırsız, şagirdlər arxanızca sürünür. Amma bu belə davam etməyəcək. Siz isə bunu anladıqda çox gec olacaq!