"Türk dövlətlərinin vahid Süni İntellekt İnstitutunun yaradılması təklif olunub".

Oxu.Az-a istinadən xəbər veririk ki, bunu Azərbaycan İqtisad Universitetinin rektoru Ədalət Muradov Bakıda Türk Akademiyası və Sosial Tədqiqatlar Mərkəzinin birgə təşkilatçılığı ilə keçirilən Türk Dövlətləri Təşkilatına (TDT) üzv ölkələrin sosioloji tədqiqat nəticələrinin təqdimatına həsr edilmiş beynəlxalq konfransda deyib.

O bildirib ki, tədqiqat institutunun mərkəzi Bakı ola bilər:

"Həmçinin Türk dövlətlərinin ortaq təhsil proqramlarının hazırlanması xüsusi əhəmiyyətlidir. Bu hətta ortaq universitetlərdən də vacibdir.

Bununla bərabər, düşünürəm ki, Elm Fondu ilə bağlı düşüncələrə meydan verməyin vaxtıdır. Çünki tədqiqatların coğrafiyası çox dardır".