Dağlıq Şirvan Regional Təhsil İdarəsi üzrə PISA 2025 şagird beynəlxalq qiymətləndirmə tədqiqatı keçirilib.

İsmayıllı şəhər 1, 6 və Qobustan şəhər 3 nömrəli tam orta məktəblərdə təşkil edilən qiymətləndirmədə Şamaxı rayon Şirvan kənd tam orta, Qobustan rayon Təklə və Dərəkənd kənd tam orta, İsmayıllı şəhər 1,5,6, Qoşakənd kənd tam orta və Şəbyan kənd ümumi orta məktəblərində təhsil alan 134 nəfər şagird iştirak edib.

Dağlıq Şirvan Regional Təhsil idarəsinin müdiri Ramin Abasov və müdir müavini Rahim Novruzov İsmayıllı şəhər 6 nömrəli tam orta məktəbdə olaraq qiymətləndirmə prosesini izləyiblər.

Qeyd edək ki, ölkəmizdə PISA tədqiqatı 2018-ci ildən kompüter əsaslı həyata keçirilir. PISA-Beynəlxalq Şagird Qiymətləndirmə Proqramı 15 yaşlı şagirdlər arasında oxu, riyaziyyat, təbiət elmləri və rəqəmsal dünyada öyrənmə üzrə bilik və bacarıqları qiymətləndirmək, eyni zamanda bu bilik və bacarıqları real həyatda istifadə etmək qabiliyyətini müəyyənləşdirmək məqsədi ilə İqtisadi Əməkdaşlıq və İnkişaf Təşkilatı tərəfindən 3 ildən bir təşkil olunur.