Son zamanlar məktəblərin publik hüquqi şəxsə çevrilməsi yeni sualları da özüylə yaratdı. Tehsilmedia.az saytı olaraq biz də öz münasibətimizi bildirmək istədik. Belə ki, Məktəblər publik hüquqi şəxsə çevrikdikdən sonra, yəni özü-özünü dolandırmalıdırsa, direktorlar bu dəfə də məktəbin idman zalı, stadionları, akt zallarını arendaya verəcəkmi?
Qeyd edək ki, hazırda da agentliklər bufetləri və idman zallarını icarəyə verir, pullarını götürürlər.
Bundan sonra bu birbaşa direktor səlahiyyətində olanda nə edəcək?
Laboratoriyalardan istifadə, hətta hansısa kursa icarəyə vermə və ya kursla anlaşma olacaqmı ? Bunları etmə hüququ varmı? Çünki məktəb özü özünü idarə etməlidirsə, maaş və ehtiyacların ödənilməsi daha ciddi problem kimi özünü göstərəcəkdir. Agentliklərin vəziyyəti göz önündədir. Sözün əsl mənasına yeyinti mərkəzinə çeviriliblər. Məktəbləri də bu tale gözləyirmi? Dövlətin ödəyə bilmədiyi, idarə edə bilmədiyi məktəbi, məktəb özü idarə edə biləcəkmi? Maaşları ödəyə biləcəkmi? Bu gün hər kəs daha artıq maaş alacağını düşünür. Əvvəl 20 nəfərlik sinfə bir müəllim dərs keçirdi, indi 40 nəfərlik sinifə bir müəllim dərs keçir. 50 faiz müəllim belə işsiz qaldı. İndi də dərs saatları rəsmi satışa çıxacaq. Yəni əvvəl qanunsuz şəkildə satılırdı, daha qanuni satışa çıxacaq? Yaxşı müəllimlər nəfəsi kəsilənə kimi dərs keçəcək, sonra??? Bəs davam edən sertifikasiya, təlimlər necə olacaq??? Yəni, sizcə, direktorların bu sərbəstləşməsi korrupsiya artıracaq, yoxsa yeyintini qanuniləşdirəcək, yoxsa həqiqətən bir möcüzə olacaq?!