Bakı Mühəndislik Universitetinin (BMU) Mühəndislik fakültəsinin Kompüter və informasiya Texnologiyaları kafedrasının kompüter mühəndisliyi və idarəetmədə informasiya sistemləri ixtisaslarının magistr tələbələrinin elmi tədqiqat və elmi pedaqoji təcrübələrinin müdafiəsi keçirilib.

BMU-dan "tehsil.media"a verilən məlumata görə, kompüter mühəndisliyi ixtisasının 11, idarəetrmədə informasiya sİstemləri ixtisasının 13 tələbəsi təcrübədə iştirak edib.

Təcrübələrin müdafiəsində adıçəkilən kafedranın baş müəllimi Amil Babayev, Təcrübə şöbəsinin müdiri Həzi Qasımov və başqaları çıxış ediblər.

Sonra təcrübə hesabatlarının təqdimatı keçirilib və suallar cavablandırılıb. Bununla yanaşı, fənn müəllimləri magistrlər haqqında rəylərini bildiriblər.  

Qeyd olunub ki, hər bir magistr təcrübə müddətində fəaliyyətləri haqqında geniş hesabat hazırlayaraq komissiya üzvlərinə təqdim edib. 

Sonda magistrlərin təcrübə nəticələri müzakirə olunaraq qiymətləndirilmə aparılıb.