Hacıqabul rayonu Kolanı kənd tam orta məktəb haqqında əvvəl sizlərlə xəbər paylaşmışdıq. Təəssüflər olsun ki, bu məktəb haqqında heç bir tədbir görülmür.

Kolanı kənd tam orta məktəbində əksər hallarda siniflər birləşdirilib dərs keçilir. Hansı ki, buna heç bir səbəb yoxdur, müəllimlər də var, sinif otaqları da. Bəzən 8-ci siniflərlə 10-cu siniflər, 9-cu siniflərdə 8-ci siniflər birləşdirilərək dərs keçilir. Çox vaxt da sonuncu dərslər keçilmir. Sonra da uşaqlarımız pis qiymət alanda bizi qınayırlar, uşaqlarımızı qınayırlar.

Bu barədə bir neçə dəfə məktəbə də, təhsil şöbəsinə də bildirilsə də, vəziyyət düzəlmir.

Heç kim bir addım atmır. Səbəblər araşdırılmır. Ancaq dərsləri yola verirlər ki, dərs keçirilmiş sayılsın. Bu məsuliyyətsizlik birbaşa uşaqların həyatını, gələcəyini məhv etməkdir. Uşaqları məktəbdən, təhsildən uzaqlaşdırmaqdır.
Son zamanlar nəzarətsiz məktəblər haqqında həddən artıq məlumatlar alırıq. Bu hadisələrə qarşı ciddi təbirlər görülməlidir. Təhil- tərbiyədən yayınan şagirdlərin son zamanlar etdikləri göz önündədir. Bu məsuliyyətsizlik böyük fəlakətlərə yol aça bilər. Həm də keyfiyyətli təhsil vermək məktəb və müəllimlərin vəzifəsidir. Bu halda məsuliyyətə cəlb olunmalıdırlar.