Təhsil sistemimizdə eni təhsil proqramının (kurikulumun) qəbul edilməsindən artıq 18 il ötür. Bu zaman dilimi heç də az deyil. Amma bizim hələ də bəzi əsaslı problemlərimiz öz həllini tapmayıb. Belə ki, müəllim hazırlayan universitetlərimizdə metodika, pedaqogika keçirilsə də, MİQ imtahanında müəllimlər həmin proqramla heç bir nəticə əldə edə bilmirlər. Bu isə bəzi sualların yaranmasına səbəb olur:
1. Kurikuluma əsasən məktəblərdə fənlər üzrə minimum biliklər öyrədilir və şagirdlər hər hansı bir ixtisas üzrə təkmilləşmək istədikdə universitetdə onlara həmin ixtisas üzrə maksimum biliklər öyrədilir. Bəs, sizcə, burda bir zidiyyət yoxdurmu?
Metodika, pedaqogika üzrə maksimum məlumat alan, təkmilləşən tələbələr diplomu alar-almaz MİQ-ə imtahan verirlər və heç bir nəticə əldə etmirlər.
Maraqlı budur ki, tələbələr həmin dərsləri keçərkən, eyni zamanda, hansısa kursa müraciət edib metodika öyrənir. Fənn üzrə təkrar etmək, bəlkə də, anlaşılandır amma metodika birbaşa universitetdə öyrədilirsə, niyə həmin proqram müəllimi, MİQ və Sertifikasiyanı ödəmir. Niyə tələbə hansısa kursa vaxt, zaman, maddiyyat ayırır. Üstəlik bunu öz ixtisası olmayan müəllimlər keçir. Niyə 18 ildə bizim heç bir ümumi metodika və bütün baş verən dəyişiklikləri ehtiva edən vahid bir kitabımız yoxdur.
2. Universitetdə təhsil alıb bir müəllim kimi yetişən tələbələrdə hansı ki, müəllim kimi şagirdlərdə formalaşdırılması tələb olunan tənqidi və yaradıcı təfəkkürün inkişafı üçün bir iş görülürmü?
Maraqlıdır ki, insan özündə var olmayan bir xüsusiyyəti, bacarığı başqasında necə formalaşdıra bilər?
Bəs bu gün qarşıya qoyulan bu kompetensiyalar, bacarıqlar fənni tədris edən müəllimlərdə varmı?
Əgər bir müəllim yetişdirirksə, bizim ondan tələb edəcəyimiz hər şeyi ona verməyimiz lazım deyilmi?
Tələbələri sadəcə biliklərlə təmin edib sonra şagirdlərdə bacarıqlar formalaşdırmasını və əsl şəxsiyyət yetişdirmələrini tələb edirik. Bəs o tələbələr əsl şəxsiyyət kimi yetişibmi?
Əgər biz təhsildə inkişaf etmək, təhsilin keyfiyyətini yüksəltmək, müəllim-şagird-valideyn münasibətlərini inkişaf etdirmək, tənzimləmək istəyiriksə, ən başlıca bu problemləri aradan qaldırılmalıyıq.
TƏHSİL MEDİA