Təhsil sistemində baş verən dəyişikliklərlə bərabər yeni dərsliklər də yazılmağa başlandı. Bütün siniflər üzrə dərsliklər hazırlandı. Amma bu dərsliklər nə qədər faydalıdır. Məktəbdə gündəlik şagirdlərlə ünsiyyətdə olan, həmin dərsliklərdən istifafə edən müəllimlər bu dərsliklərdən nə qədər razıdırlar? Ədəbiyyatdan bəzi sənətkarlarımızın çıxarılması və ya seçilən əsərlər şagirdlərdə nə formalaşdırır? Nəyi təbliğ edir? O əsərləri şagirdlərə öyrədərkən biz onlardan nə gözləyirik?

Bəzi əsərləri müəllimləri bu cəhətdən düşündürür. Azərbaycan ədəbiyyatından və ya dünya ədəbiyyatında bir sıra əsərlər var ki, onların insan tərbiyələnməsində, mütaliə bacarığı, təfəkkür formalaşmasında xüsusi rolu olmasına rəğmən niyə digər əsərlər seçilməlidir. Hansı meyarlar əsas götürülərək bu əsərlər dərsliklərə salınır?

Ümumi sorğu apardıqda müəllimlər Elçinin "Talvar" əsərinin, Sabir Əhmədlinin "Dərs" əsərinin, Şah İsmayıl Xətayinin "Dəhnamə" əsərinin, İ. Nəsiminin "Məndə sığar iki cahan...", Füzulinin "Leyli və Məcnun" və s. əsərləri nümunə göstərmək olar ki, onları fərqli əsərlərlə əvəz etmək, şagirdlərin dünyagörüşündə, tərbiyələnməsi, təfəkkür inkişafında xüsusi rol oynayır. Əsəri təbliğ edərkən bizim gözləntilərimiz də düzgün müəyyənləşməlidir.

Azərbaycan dili dərslərində dil qaydalarının dolayı yolla çatdırılması, bəzi sistemsizliklərin olması da eynilə müəllimlərin şikayət etdiyi məqamlardandır..

Əslində bu nümunələrə, dərsliklərdəki bəzi sistemsizliklərə, tapşırıqlardakı problemlərə, səhvlərə və s. nümunələri daha da çox artırmaq olar. Amma önəmli olan problemin həllidir. Hansı ki, biz dərsliklərin müəllim-şagird-valideyn münasibətlərinin əsaaında dayanan və şagirdlərin tərbiyələnməsində və bilik və bacarıqlara yiyələnməsində əsas olduğunu bilirik. Deməli, dərsliklər hazırlanarkən meyarlara xüsusi diqqət yetirməli və peşəkarcasına yeni dərsliklər hazırlanmalıdır.
Əgər dövlət dərsliklərə maliyyə ayırırsa və qarşıya belə bir məqsəd qoyulubsa, əsl peşəkarlar tərəfindən hərtərəfli araşdırmalar nəticəsində dərsliklər hazırlanıb istifadəyə verilməlidir. Hər il yeni dərsliyə ehtiyac yoxdur. Bir olsun amma tam olsun.