Hörmətli Tehsilmedia.az oxucuları "Gənclərlə Gələcək" layihəmizin qonağı Asya xanımla sizləri tanış edirik. Bilirsiniz ki, gənclər gəıəcəyimizdir. Bu bir devizdir. Bizim şəxsiyyət kimi formalaşmış, əzmli, iradəli, öz ayaqları üzərində dura bilən, öz sözünü deyə bilən gənclərə ehtiyacımız var. Ona görə də gənclərlə müsahibə edir və onların baxışları, ümidləri, istəkləri, problemləri haqqında danışırıq. Bugünkü qonağımız Asya xanımdır. Asya xanım, buyurun özünüzü təqdim edin, sizi daha yaxından tanısınlar.
- Salam, ilk öncədən bu layihəyə dəvət olundugum üçün sizə təşəkkürlərimi bildirirəm. 2003cü ilin may ayının 26 sında Bakının Sumqayıt şəhərində doğulmuşam və Bakıda böyümüşəm. İlk (orta) təhsilimi 2009cu il Binəqədi rayonu biləcəri qəsəbəsində Emin Əliyev adına 297 saylı tam orta məktəbi bitirmişəm. Universitet xəyallarını qururdum ancaq son anda qərarları dəyişdim, 9 cu sinifdən çıxıb orta ixtisas təhsil müəsisəsində təhsil almağı seçdim və buranı bitirəndən sonra daha yüksəklərdə olmaq təhsili artırmaq , irəliləmək fikrində idim . Bakı dövlət universitetinin nəzdində İqdisadiyyat və humanitar kollecin məktəbə qədər təlim tərbiyə ixtisasına 2018 ci ildə qəbul oldum. 4 il təhsil aldım. Kəsrlərim də oldu ancag çalışaraq onlarıda həll etdik. Univeristet planlarım hal hazırdada davam edir. Orta ali, peşə Təhsil mənə görə önəmli faktordur. Hər qadın kişi fərq yoxdur təhsilli olmagı seçməlidir. Təhsilin insan həyatında böyük dəyişikliklər etdiyinə son dərəcə inanıram və görürəm.
Sizcə, Azərbaycanda gənclər həqiqətən gəncliyini yaşayırmı? Azərbaycanda bunun üçün şərait yaradılıbmı?-Bəli mənim şəxsi fikrimə görə, Azərbaycanda gənclər üçün hər cür şəraitin quruldugunu görürəm, müəyyən layihələr müsahibələr tədbirlər könüllü iştirak edən tələbələr üçün yaradılan şəraitlər, gənclər fondu daha saysam çoxdur. Hər bir Azərbaycan gənci bu cür tədbir layihələrə qoşularaq ətrafını genişləndirə təhsillə bağlı irəliləyişlər məlumatlar əldə edə bilər əlbəttəki. Mən özümdə tələbə olarkən Birkönüllü tələbə gənclər təşkilatlarına qoşularaq, tədbirlərdə seminarlarda masterclasslarda iştirak etmişəm və həqiqətəndə Azərbaycanda gənclərə dəstək gösdərildiyinə özüm şahidəm. Müəyyən sertifikatlarım, təşəkkürnamələrim məhs bu seminarlardan tədbirlərdən olub. Şəxsi fikrimi bildirim mən Azərbaycanda yaşayan bir gənc kimi gəncliyimi yaşadığımı düşünürəm. Təhsillə bağlı kariyera işlə bağlıda hər cür şəraitlə təmin olunur gənclər.
Bir gənc kimi Azərbaycanda nələr olsun istəyərdin?
- Azərbaycan gənci kimi, Azərbaycanda Gənclərin özünü inkişafı üçün ,təhsilini artırması üçün ,maraqlı keçməsi üçün, daha çox tədbirlərin , seminarların olmasını istəyərdim. Və həqiqətən bu kimi layihələrdə həvəslə maraqla çalışan gənclərin iştirakını və bu yolda irəliləyə biləcək həvəsi olan gəncləri görmək istəyərdim. Və Ölkədə gənclərin fikir azadlıgını şəxsi fikirlərini rahat şəkildə bildirə biləcək, ümumi azadlıgı barədə maarrifləndirici tədbirlərində olmasını (valideynlərində iştirakı ilə )və gənclərin hansıki bəzi mövzularda qısıtlanmamasını istəyərdim. Misal (universitet,ixtisas seçimində ailə basqısı və yaxud istəkləri barədə ailə çərçivəsi və.s)
Ölkə mentalitetimizdə hansı çatışmazlıqları və problemləri görürsən?-Ümumiyyətlə şəxsi fikrimi bildirimki Azərbaycan mentalitetini sevmirəm və Geniş düşüncəyə sahib olmağ üçün bu mentalitetdə batmamaq üçün çox çalışıram. Özümü inkişaf elətdirirəm. Gördüklərimə əsasən 2024 cü ildə yaşasaqda hal hazırda öz istəklərini öz fikirlərini ifadə edə biləcək öz ayaqları üzərində dura biləcək insanlar barmagla sayılan qədərdir. Hansıki gənclərin ailədən gələn keçmiş düşüncələrlə böyüdülüməsi, geyimə , şəxsi fikirlərə müdaxilə edilməsi gənclərin üzərinə basqı misal camaat nə deyər və.s bu kimi fikirləri formalaşdırmaq. Daha geniş daha ali düşüncələrlə böyüdülməsinin tərəfdarıyam. Bu kimi təəssüratlar mənə görə problemdir nəsildən nəsilə ötürülən absurd düşüncələr fikirlər. Bunların olmaması və çatışmazlıqları düzəltmək üçün bu mövzularda müəyyən tədbirlərin görülməlidir deyə düşünürəm.
Ölkəmizin ailə təhsili, peşə və kollec təhsili sizi qane edirmi?
- Əlbəttəki edir. Ölkədə sözsüz ali təhsilə orta təhsilə önəm verən kadrlarımız pedagoglarımız saysaq çoxdur. Bu kimi şəxslərin artmasınıda çox istərdim. Ali təhsil, orta təhsil fərg yoxdur. Dediyimiz kimi təhsil hər zaman önəmlidir ön plandadır. Özüm şəxsən kollec təhsili almışam və təhsilimi davam etdirmək üçün çalışıram. Müqayisə etdikdə Ali təhsil və orta təhsilin fərqi çox azdır. Əsası budurki dövlətin bizim üçün yaratdığı şəraitlərdən faydalanmaq. Ali müəssisələrdə, orta və yaxud peşə. Təhsili Bitirdikdən sonra isə işlə təmin edilən və bu yolda uğurla irəliləyən şəxslərdə az deyil. Təhsillə bağlı hər il yeni və sevindirici qərarların qüvvəyə minməsidə qane edici haldır.
Universal bir gənc kimi yetişməyinizdə nədən istifadə edirsiniz?- Daha çox şəxsi inkişafla bağlı kitablar alıram və oxuyuram. Məqsədlərlə bağlı, kariyera həyatımda uğurların çox və davamlı olması üçün hansı üsul və taktikalardan isdifadə olunmalıdır. Ən çox yönləndirici və nitqin inkişafı, fikirləri qane edici şəkildə ifadə edə bilmək bir sözlə özünü inkişaf etdirməyi öyrənmək üçün youtube platformunda videolar, podcastlar izləyir və dinləyirəm. Çünki bilirikki özünü inkişaf etdirmək hərtərəfli insanın xeyrinədir, özünün şəxsiyyətinin formalaşmasında önəmli faktdır. Bacardığım qədər online və yaxud əyani seminarlara, ixtisasımla bağlı mövzularda yönləndirici xarakterli tədbirlərdə iştirak edirəm.
Sizi nə xoşbəxt edir? - Sağlam olmaq məni xoşbəxt edir. İşləmək, dostlarımla əyləncəli vaxt keçirmək , gəzmək, musiqi dinləmək,kitab oxumaq, öz üzərimdə işləmək, savadlı bilikli şəxslərnən münasibət qurmaq hər hansısa mövzuda müzakirə etmək. Bunların bəziləri mənim hobimdir digərləri isə xoşbəxt edən nüanslar.
Asudə vaxtlarınızı necə keçirirsiniz?
- Asudə vaxtlarımda gəzməyə çıxıram, yaxın dostlarla vaxt keçirdirik görüşürük, bəzən musiqi dinləyirəm və yaxud telefonla vaxt keçirdirəm.
Özünüzü 5 il sonra harda görürsünüz desəm nəyə ümidiniz var və həqiqətən gələcəyin sizə hansı şansları gətirəcəyinizi düşünürsünüz?
- Əslində baxdıqda mən sabahı düşünməyi sevmirəm yəni bu gün üçün yaşayıram desək doğru olar. Çünki mənim fikrimcə həqiqətən 1 saat sonranıda qarantiləmək olmur. Bu gündəyiksə bu günü bu anı yaşamaq lazımdır deyə düşünürəm. Amma belə baxsaq 5 il sonra həqiqətən bir neçə planlarıma məqsədlərimə çatacagıma inanıram. Bunun üçün indidən çalışıb nələrsə əldə etməyə çalışıram. Təhsillə bağlı kariyera ilə bağlı yaxın 5 ildə uğurlar irəliləyişlər əldə edəcəyimə inanıram. 5 ildən sonra ümidim ən çox iş və şəxsi həyatımla bağlıdırki düşünürəmki gözəl olacaq və istədiyimi nəticəni əldə edəcəm. Gələcəyin mənə kariyera həyatımla bağlıda yaxşı irəliləyişlərin bəxş edəcəyinə ümidim sonsuzdur. Ümid hər zaman olmalıdır deyə bir fikir var. Mən tamamile razıyam. Əgər biz ümidli olsaq, bu həyatı inanaraq yaşasaq bunun özüdə bir başlangıcdır.
Həyatınızda dönüş nöqtəsi olan hadisə nə olub?- Balacalıqdan bu günə həyatımda pis,negativ və depressiyaya salacaq çox nadir hadisələr olub. Bu məktəb həyatında imtahanların stressi,bəzən ətraf mühitin təsiri və.s kimi hadisələr olub. Çox zaman həyatımın dönüş nöqtəsi kimi dəyərləndirdiyim bir neçə hadisə olubki onlara ətrafımda olan insanların güvənilməz oldugu kimliyindən aslı olmayaraq ailəndən başqa kiməsə güvənməməyi öyrənmək olub. Bir neçə təcrübələrimə əsasən və oxudugum kitablardaki fikirlərə əsasən insanın ailəsindən başqa kiməsə ümid bağlamamalıdı. Son oxudugum kitabdaki bir fikri yazmag istəyirəm Brian Tracy “Məqsədlər” kitabından Emmet Foksun dediyi kimi: Kobud olmağa ehtiyacınız varsa yadlarla kobud olun , nəzakətli rəftarınızı ailəniz üçün saxlayın.
Gənclərin daha sağlam düşüncədə olması üçün nə tövsiyyə edərsiniz?...- Həmişə vurgulayıram və vurgulayacamki, gənclər özlərini inkişaf etdirsinlər çoxlu kitab oxusunlar, film izləsinlər, öz şəxsi inkişafını dəyərləndirsinlər, gəzsinlər, dünya görüşlərini artırsınlar, fikirlərini genişləndirsinlər, və ən əsası öz şəxsi fikirləri ni ifadə edə bilsinlər öz düşüncə formaları olsun. Bunun üçün çalışsınlar. Kimlərinsə basqısı altına düşməsinlər, çərçivəyə salmasınlar düşüncələrini. Sağlam düşüncənin formalaşması üçün öz marağlarına dair jurnallar, kitablar, filmlər saysaq çoxdur. Bunları məşğuliyyət kimi formalaşdırsaq çox nəticələr əldə edə bilərik deyə düşünürəm.
Bir şeyləri dəyişmək şansınız olsaydı nəyi dəyişərdiniz?-Əslində baxdıqda əgər dəyişmək şansım olsaydı Almaniyada, Avstriyada yaşamaq istəyərdim. Həyatımda elə nüanslar olmayıbki təəssüfki kaş dəyişərdim deyə düşünməmişəm. Ancaq birşeyləri dəyişmək olsaydı şəxsi və kariyera həyatımla bağlı şəxsi biznes qurmagla bağlı birşeylərin olması üçün çalışardım. Sözün düzü düşünürəmki hələdə gec deyil. Ancaq bu sualın cavabını gələcək də daha geniş və uzun uzun cavablaya bilərəm.
Sizdən daha az yaşlılara nəyi tövsiyyə edərsiniz.
- Ətraf mühitin təsiri altına düşməkdən çəkinsinlər. Öz şəxsi mühitləri olsun, hobbiləri və məşğuliyyətləri olsun. Bacardıqları qədər təhsillə maraqlansınlar. Hər mövzudan balanslı isdifadə etsinlər. Telefondan komputerdən işlərinə yarayacaq məlumatları əldə etsinlər.
Asya xanım, bizlərə oxuculara, son sözünüz nədir? - Son sözüm həyatı yaşamaq, yaşaya bilməyi bacarmaq, inanmaq, ümid etmək, çalışmaq, həvəsli olmaq. Bunlara qaydalı şəkildə balanslı və davamlı etmək yaxşı nəticələrə gətirib çıxaracaq. Daha sonra təşəkkür edirəm suallarınız yerində və gözəl idi. Bu müsahibədə layihədə iştirak etdim deyə xoşbəxtəm. Minnətdaram.
Biz sizə təşəkkür edirik. Sizin kimi gənclərə sözün əls mənasında ehtiyac var. Günümüzdə gənclərin önünü kəsən minlərlə bəhanələrin içərisində belə düşüncədə gənclərimizin olması qürurvericidir.
Sizlərlə fəxr edirik!