Biz niyə STEAM-dan istifadə edirik?
STEM-i yaradan Amerika PİSA və PEARLS beynəlxalq qiymətləndirməsində 30 ölkədən 21-ci yerə çıxdığına görə, həmin fənni tədris edən müəllimlər zəif olduğuna görə, Amerika təhsili haqqında gələcək üçün dəhşətli proqnozlar verildiyinə görə, Amerikada inkişaf zəiflədiyinə görə belə bir layihə yaratdılar və keçdilər. Kankret olaraq səbəblər ortadadır.
İnteqrasiya olunmuş təhsilə keçmişik.
İnkluzivliyə keçmişik.
Təhsil sistemində Kurikuluma keçid etmişik.
Nə PİSA, nə PEARLS bizə belə bir qiymətləndirmə verməyib.
Nə müəllim zəifliyi, nə də iqtisadiyyatımızda dəhşətli proqnozlaşdırma verilməyib.
STEAM-ın şagirddə formalaşdıracağı bacarıqları biz başqa yollarla da təmin edə bilirik.
Təhsilimizdə minlərlə problem varkən STEAM- ı mütləq niyə təhsilimizə gətirdik?
Dünya təhsil sisteminə inteqrasiya etmişiksə, elə harda nə layihəsi var biz də istifadə etməliyik?
Dünyada bir sıra ölkələr STEAM-dan istifadə etsələr də, sadəcə layihə kimi, məktəbdənkənar fəaliyyət kimi istifadə edərkən biz niyə qəbul edər-etməz dərs keçməyə başladıq. Fənlər, dərslər, proqramlar hazırladıq?
Getdikcə daha çox maliyyə ayırır, daha çox üstünə düşürük. Məktəbdə müəllim çatışmazlığı, şagird çoxluğu, maddi-texniki baza, infrastruktur problemlərini həll etmək yerinə, oyuna qurban gedir, yenə eyni səhvləri edirik.
Üstəlik nəticə etibarilə yenə bacarığı deyil, biliyi qiymətləndirəcəksiniz.
STEAM bizə nə verəcək? Genetikası dəyişmiş qidalar, insan klonlamaq, dünyanın sonuna gətirəcək fərqli atom bombası, dünyanı dağıdacaq robotlar, insan beynini yeyən mikroplar???
Nəyi niyə edirik düşünmək lazımdır. Təhsil oyuncaq deyil. Bir xalqı məhv etmək üçün təhsilini məhv etmək kifayətdir.