Dünyada bir çox dövlətlər əcnəbi tələbələri öz ölkələrinə cəlb etmək üçün minlərlə araşdırma apardığı halda, Türkiyədə fərqli mənzərə nəzərə çarpır. Belə ki, Türkiyədə əcnəbi tələbələrə qarşı düşmən mövqe sərgiləyirlər.

TehsilMedia.az Türkiyə mətbuatına istinadən xəbər verir ki, Türkiyədə təhsil üçün gələn əcnəbi tələbələr son vaxtlar sosial mediada həyata keçirilən dikləri kampaniyaların gündəminə çevriliblər. Əcnəbi tələbələrin məzuniyyət mərasimindəki görüntüləri sosial şəbəkələdə yer alıb. Həmin görüntülərdə onlara qarşı yerlilər tərəfindən “Türkiyə işğal olunur” ifadəsinin səsləndirilməsi böyük səs-küy yaradıb. Buna rəğmən Türkiyə son 10 ildə dünyada ən çox beynəlxalq tələbə qəbul edən ilk 10 ölkədən biri olmağı bacarıb.

Məlumata görə, dünyada 8 milyon beynəlxalq tələbə var. Bütün dünya universitetləri əcnəbi tələbələri cəlb etmək üçün çox ciddi rəqabət aparır. Çünki bu, xüsusilə inkişaf etmiş ölkələr üçün mühüm ixrac məhsuludur. Altınbaş Universitetinin rektoru Çağrı Erhan bildirib ki, Türkiyə universitetlərində təxminən 300 min beynəlxalq tələbə təhsil alır. Bu tələbələr dörd il qonaq olsalar da, sonradan ömürlük dosta çevrilirlər. Türkiyədəki beynəlxalq tələbələrə qarşı irqçilik və ksenofobiyaya yol verənlər insanlığa qarşı cinayət törədirlər. Bu düşmənçilik ən qısa zamanda dayandırılmalıdır. Onlara ən ağır cəza verilməlidir. Çünki hansısa universitetdə və ya ölkədə beynəlxalq tələbələrin olması yalnız təhsil sisteminin zənginliyinin göstəricisidir.

Rəqəmlərə görə, beynəlxalq tələbələrin təhsilə xərclədikləri pulun məbləği 100 milyard dollardan çoxdur. Bundan Türkiyənin payı 2 milyard dollar düşür. Türkiyə 2030-cu ilə qədər beynəlxalq tələbə sayını 500 minə çatdırmağı, beynəlxalq təhsil xidmətlərindən əldə etdiyi ixracatı isə 10 milyard dollar etməyi hədəfləyir.

Sudanlı bir tələbə onların ümumi məqsədinin təhsil almaq olduğunu vurğulayır. Xüsusilə, Türkiyədə tələbə olarkən müəyyən çətinliklərlə, təqib halları ilə qarşılaşdığını deyir. Amma bütövlükdə bir ölkəni bir neçə şəxsin hərəkətinə görə mühakimə etməyin ədalətsizlik olduğunu dilə gətirir. O bildirir ki, burada keçirdi hər an rahat, zövqlü və imkanlarla doludur və bu canlı akademik quruluşda Sudanı təmsil etməkdən şərəf duyur.

Müşfiq Tofiqoğlu