TKTA və MÜTDA yaxın zamanda vətəndaşlarla görüş keçirdi. Amma bu görüş tamamilə göz boyamağa xidmət edir. Çünki hər iki qurum əslində sahələri üzrə çox ciddi problemlər olduğunu bildiyi halda, heç bir addım atmır. Çünki bu problemlər təhsilin yeyinti yerinə çevrilib. Qurumlar birlikdə iyerarxiya şəklində digərlərinə qazanc mənbəyi əmələ gətirirlər. TKTA univeristetlərin vəziyyətinin yaxşı olmadığını, son dövrdə heç bir kitab nəşri olmadığını, proqramların köhnə olduğunu, univeristetlərin maddi-texniki bazasının olmaması, universitetlərdə hələ də rüşvətin olması, tələbə-müəllim heyyətində şəxsi qərəzliyin olması və s göz önündədir.
MÜTDA məktəbdə təhsil iştirakçılarının qəti şəkildə münasibətinin düzgün olmadığını bildiyi halda heç bir uğurlu addım atmır. Yalan layihələrin saxta sənədləri ilə çıxış etsələr də, vəziyyət göz önündədir. Məktəblərdə vəziyyət acınacaqlıdır və getdikcə də daha da bərbat hala gəlir. Məktəblərdə birmənalı olaraq bullinq hallarının artması, maddi-texniki bazasının olmaması, təhlükəsizlik baxımından bərbat məktəblər olması, laboratoriya, kitabxana, akt zalı, bədən tərbiyə otağı, hərb, informatika olmayan məktəblər, istilik sistemi olmayan məktəblər-hamısı probıem olaraq qalmaqdadır.
Problemlər baş verdikcə şagird yerdəyişməsi, qəbullar yenidən gözdən keçirilməlidir.
Bu siyahını daha da artıra bilərik. Nəticə odur ki, problemlər göz önündə olduğu halda istədiklərinə susur, istədiklərinə reaksiya verirlər. Bu şəkildə isə təhsili inkişaf etdirmək olmaz!