“Erasmus +” proqramı çərçivəsində yerinə yetirilən “Rusiya Federasiyası, Qazaxıstan və Azərbaycanda səhiyyədə strateji keyfiyyət menecmenti, risklərin idarə olunması üzrə açıq və distant təhsil formatında peşə bakalavrı, peşə magistri hazırlığı” (LMQS) layihəsi üzrə işçi heyətin görüşü keçirilib.
TehsilMedia.az xəbər verir ki, görüşdə layihə çərçivəsində görülmüş işlərin hesabatı verilib, gələcəkdə həyata keçiriləcək fəaliyyətlər üzrə planlaşdırma aparılıb.
Layihənin işçi heyətinin rəhbəri Azərbaycan Texniki Universitetinin (AzTU) professoru Həsən Hüseynov layihənin koordinatoru Qərbi Attika Universitetinin nümayəndəsinin ölkəmizə gözlənilən səfəri barədə iştirakçıları məlumatlandırıb.