Günlərdir ki, ölkə gündəmini müəllimlərin işəqəbul imtahanın test mərhələsinin qeyri-şəffaf keçirilməsi ilə bağlı etirazlar, narazılıqlar zəbt edib. Bununla bağlı bəzi müəllimlərimiz müxtəlif sosial şəbəkələrdə videolar təqdim ediblər və öz narazılıqlarını ifadə ediblər. Bu məsələ ilə bağlı bütün aidiyyatı qurumlara müraciət olunub. Etirazlarla bağlı isə heç bir açıqlama edilməyib.

"TehsilMedia.az"ın məlumatına görə, Müəllimlər bildirib ki, MİQ imtahanının test mərhələsindən əvvəl verilən vədlər tamam fərqli idi. Onların sözlərinə görə, asan sualların tərəfdarı deyillər lakin bu qədər qəliz salınmağı da düzgün deyildi.
Amma sual tərtibatçıları çətinlik anlayışı ilə yoruculuq anlayışını qarışdırıblar.
Aylar əvvəl Nəzakət Mehdiyeva bildirib ki, imtahanın keçirilmə vaxtı 120 dəqiqədəm 150 dəqiqəyə artırılıb. Bu zaman jurnalistlər ona sual ünvanlamışdılar ki, imtahan çətin olacaq deyə vaxt uzadılıb?
O isə cavabında qeyd etmişdi ki, imtahan sualları çətin olmayacaq, sadəcə müəllimlər rahat düşünüb testləri həll edə bilsin deyə vaxt uzadılıb.

Bir qrup müəllimlər Təhsil Nazirliyinin qarşısında aksiya keçiriblər. Bəzi müəllimlər xəbərsiz olduqları üçün qoşula bilməyiblər. Etiraz aksiyasından sonra Eşqi Bağırov müəllimləri qəbul edib. O," müəllimlər ətraflarındakı insanların yanında yüksək bal topladıqlarını deyə bilmək üçün imtahanın yenidən keçirilməsini istəyirlər. Amma imtahan yenidən təşkil olunmayacaq", deyərək cavabında bildirib

Müəllimlərin etirazlarında deyir ki, necə olur ki, keçən il 85 və yaxud 96 bal toplayan müəllim bu il 50 bal toplaya bilmir? Sertifikasiya imtahanında 57 bal toplayan müəllim 27 bal yığa bilməyib. Onların əsaslandırması isə belədir ki, sertifikasiya imtahanında hər müəllim öz yeri uğrunda mübarizə aparır. Lakin müəllimlərin işəqəbul imtahanında 1 yer uğrunda minlərlə müəllim mübarizə aparır.
Müəllimlərin işəqəbul imtahanın test mərhələsi üçün vahid bir cədvəl tərtib olunmuşdur ki, suallar bu mövzular ətrafında olacaq. Lakin ədəbiyyat fənnində bu çərçivədən kənara çıxılıb. Bildirilib ki, elan olunmayan heç bir əsərdən sual düşə bilməz. Amma "Qızıl Qönçələr" cədvəldə olmasa belə, imtahana salınıb. Bundan əlavə, imtahanda səhv sual da mövcud idi. Bu necə ədalətli imtahan olur?
Müəllimlərin şikayətləri gündən-günə artır və onlar bu imtahanın yenidən keçirilməsini tələb edirlər.

Ümid edirik ki, aidiyyatı qurumlar müəyyən qədər insafa gələr və lazımi tədbirlər görərlər.

TƏHSİL MEDİA