Heydər Əliyevin anadan olmasının 100-cü ildönümü münasibətilə Xırdalan şəhərində yerləşən 10 nömrəli tam orta məktəbdə "Dahi” adlı tədbir təşkil olunub.
TehsilMedia.az xəbər verir ki, Dövlət himninin səsləndirilməsi ilə başlanan tədbirdə şəhidlərimizin əziz xatirəsi bir dəqiqəlik sükutla yad edilib.
Tədbirdə Abşeron-Xızı regional təhsil idarəsinin müdiri İlhamə Abdullayeva, təhsil idarəsinin tabeliyində olan təhsil müəssisələrinin nümayəndələri, məktəbin direktoru Fəxriyyə Hüseynova və şəhid ailəsi iştirak edib. Açılış nitqi ilə çıxış edən Fəxriyyə Hüseynova, tədbir iştirakçılarını salamlayıb və dahi şəxsiyyət, Ulu Öndər Heydər Əliyevə həsr olunmuş bu möhtəşəm tədbirin keçirilməsindən məmnunluğunu ifadə edib. Bildirib ki, vətənpərpərvərliyi, uzaqgörənliyi və siyasi əqidəsi ilə seçilən ümummilli lider Heydər Əliyevin fəaliyətində təhsil sisteminə göstərdiyi diqqət və qayğı xüsusilə fərqlənmişdir. Heydər Əliyev öz xalqını tarixin çətin sınaqlarından çıxarmış dahi şəxsiyyətdir.
Çıxış edən Abşeron-Xızı regional təhsil idarəsinin müdiri İlhamə Abdullayeva Ulu öndərin 100-cü ildönümü münasibətilə təşkil olunan silsilə tədbirlərin, onun irsinin öyrənilməsində və təbliğ edilməsində böyük rolu olduğunu vurğulayıb. Bildirib ki, Heydər Əliyevin "Mən müəllimdən yüksək ad tanımıram” sitatı müəllimlərə göstərilən diqqət və qayğının bariz nümunəsidir. "Heydər Əliyevin hakimiyyəti illərində azərbayçançılıq ideologiyası genişləndi, təhsil müəssisələrinin infrastrukturu tamamilə dəyişdi. Davamlı inkişaf yolunda inamla addımlayan müasir Azərbaycan Heydər Əliyevin həyat amalının təntənəsidir", deyə təhsil idarəsinin müdiri İlhamə Abdullayeva qeyd edib.
Daha sonra isə tədbir ədəbi-bədii kompozisiya ilə davam edib.
Tədbirin sonunda xatirə şəkilləri çəkilib.
TƏHSİL MEDİA