Sumqayıt bələdiyyəsi  və Abşeron-Xızı regional təhsil idarəsinin təşkilatçılığı ilə Ulu Öndər Heydər Əliyevin anadan olmasının 100 illiyi münasibətilə Sumqayıt ümumtəhsil məktəb şagirdləri ilə Gənclər İnkişaf Mərkəzlərinin dərnək üzvləri arasında "El bilir ki, sən mənimsən” adlı respublika rəsm və əl işi müsabiqəsi qaliblərinin mükafatlandırma mərasimi keçirilib.

tehsil.media xəbər verir ki, mərasimdə Sumqayıt şəhər İcra hakimiyyətinin başçısı Zakir Fərəcov, Abşeron-Xızı regional təhsil idarəsinin müdiri İlhamə Abdullayeva, təhsil idarəsinin tabeliyində olan təhsil müəssisələrinin nümayəndələri iştirak edib. Tədbirdə Azərbaycan Respublikasının dövlət himni səsləndirilib. Ulu Öndər Heydər Əliyevin və şəhidlərin əziz xatirəsi bir dəqiqəlik sükutla yad edilib. İlk öncə şagirdlərin hazırladığı sərgiyə baxış keçirilib. Ümummilli lider Heydər Əliyevə həsr olunmuş müsabiqədə Ulu Öndərin yaradıcılığını, fəaliyyətini öz rəsmləri ilə işıqlandırıblar.

Sumqayıt şəhər İcra hakimiyyətinin başçısı bildirib ki, 30 ildən artıq müddətdə Azərbaycan dövlətçiliyinin taleyi dahi və uzaqgörən şəxsiyyət, öz xalqını canından çox sevən azərbaycanlı Heydər Əliyevlə bağlı olub. Xalqımızn milli mənlik şüurunun oyanışı, azadlıq və müstəqillik hissinin güclənməsi ölkənin ictimai-siyasi, sosial-iqtisadi, elmi-mədəni intibahı ilə əlamatdardır. 

Abşeron-Xızı regional təhsil idarəsinin müdiri İlhamə Abdullayeva dahi şəxsiyyətin çoxşaxəli fəaliyyətindən söz açıb.

Sonra müsabiqə qaliblərinə mükafatları təqdim olunub və tədbir ədəbi bədii kompozisiya ilə davam edib.

Sonda xatirə şəkilləri çəkilib.