Haqqında iddiaların olduğu, bəzən ittihamlara məruz qalan o sirli otaq..

 

tehsil.media bildirir ki, imtahandan asılı olaraq ekspertlər bunkerə bir neçə gün əvvəl daxil olur, imtahanın bitməsinə yarım saat qalmış ordan buraxılırlar. Hər kəs xüsusi avadanlqılarla yoxlanılır və şübhəli hal olarsa, protokol tərtib olunur. O qapıdan keçdikdən sonra ətraf mühitlə bütün əlaqə kəsilir.

Bütün proses əslində bir neçə təsadüfi rəqəmin səsləndirilməsi ilə başlanılır.

DİM-in eksperti Rauf Rzayev bildirib ki, banka daxil olan təsadüfi alqoritm və texniki şərtə əsasən suallar çıxır. İki sual kitabçası gəlir. Bunker eksperti bu kitabçalar arasında ən uyğun olanını seçməlidir. Əvvəlcə dinləmə mətnləri möhürlənmiş zərfin içərisində bunkerdən çıxarılır. Daha sonra test kitabçasındakı sualların ekspertizası başlanılır. Testlərin ekspertizası zamanı standartlara uyğunluğuna, tədris proqramından düşməsinə, düzgün qurulmasına, iki başlı cavabların olub-olmamasına, səhvlərə yol verilməməsinə diqqət edilir. Daha sonra gün ərzində cavab vərəqləri çap üçün təhvil verilir. Pəncərələr, elektrik açarı, kondisioner, yəni sızma ehtimalına yol aça biləcək hər şey möhürlənib. Hər bir situasiya təhlükəsizlik kameraları ilə də lentə alınır. Ən sonda sual kitabçalarının çap üçün təhvil vaxtı yetişir. İmtahandan əvvəl daha bir bunker işə düşür. Bu mətbəədir. Qapalı şəraitdə sual kitabçaları xüsusi avadanlıqlar ilə çap olunur, qablaşdırılır, möhürlənir və imtahan keçirilən müəssisələrə göndərilir. Bununla da həyəcanlı anlar başlayır. Ekspertlərin işi bununla bitmir. Onların bir çoxu imtahan cavablarının da ekspertizasında iştirak edir.

Cavab kartlarında isə bəzən təkcə cavablar olmur.

DİM-in eksperti Zəminə Məmmədova bildirib ki, imtahanda iştirak edən şəxs cavabları yaza bilməmişdi. Cavab kartına yazmışdı ki, Ağdamdan gəlmişəm güzəşt edin. Bu məsələ gülməli olsa da, cavab kartlarının birbaşa ekspertlərin əlinə gəlməsi bu məsələni ciddiləşdirir. Yəni, bu mesajlar hansısa ekspertə yazılmış xüsusi mesaj ola bilər. 

DİM-in eksperti İsa Süleymanlı bildirir ki, imtahanı hansı ekspertin yoxlayacağı əvvəlcədən bilinmir. Vaxt gəlib vədə bitdikdə isə bunkerə girişdə və bunker zamanı rutinə daxil olmayan hadisənin haqq-hesabı edilir və azad buraxılırlar.

Qeyd edək ki, bunker həmçinin sığınacaq deməkdir.