"Paşa Həyat Sığorta”nın Hüquq departamentinin direktoru Səbuhi Göyüşov Bakı Dövlət Universitetinin (BDU) Hüquq fakültəsinin tələbələri üçün "Həyat sığortası – praktiki kazuslarla” mövzusunda infosessiya keçirib.

Bu barədə "tehsil.media"a BDU-dan bildirilib.

BDU-nun Karyera və məzunlarla əlaqə sektorunun baş mütəxəssisi İlkin Şərifov iştirakçıları sektorun fəaliyyəti ilə tanış edib, tələbələrin əmək bazarına hazırlıqlı daxil olmasının prioritet istiqamət olduğunu vurğulayıb. Sığorta şirkətlərinin inkişafının əmək bazarında rəqabətlilik yaratdığını qeyd edən İlkin Şərifov tələbələri təşkil edilmiş bilik mübadiləsində aktiv iştirak etməyə səsləyib.     

"Paşa Həyat Sığorta”nın Hüquq departamentinin direktoru Səbuhi Göyüşov Hüquq fakültəsinin tələbələrini sığortanın tarixi, mövcud vəziyyəti haqqında məlumatlandırıb. Daha sonra həyat sığortası ilə qeyri-həyat sığortası arasındakı fərqləri aydınlaşdırıb, həyat sığortasını əmək bazarında gündəlik baş verən praktik kazuslarla izah edib.

Görüşdə BDU tələbələrinin təhsil keyfiyyətinin yaxşılaşdırılması məqsədilə şirkət tərəfindən müxtəlif istiqamətlərdə təcrübə mübadiləsi sessiyalarının keçirilməsi,  istehsalat və ya könüllü təcrübə proqramlarının təşkili məsələləri də müzakirə olunub.

İnfosessiyanın gedişində iştirakçıların mövzu ilə bağlı sualları cavablandırılıb.