Etwinning beynəlxalq layihəsi çərçivəsində qurucuları Azərbaycandan Lamiyə Ələsgərova, Türkiyədən Selva Çelik olan "Riyaziyyat hər yerdə" (Math is everywhere) layihəsi ümumilikdə müxtəlif ölkələrdən olan 13 müəllim ilə həyata keçirilib.
TehsilMedia.az xəbər verir ki, layihə ərzində müxtəlif ölkələrdən olan müəllim və şagirdlər birlikdə müxtəlif fəaliyyətlər yerinə yetirmişlər.Bu layihənin məqsədi şagirdlərdə riyaziyyatı əylənərək öyrənməyi təmin etmək olub.
Şagirdlər riyaziyyat dərslərində mövzulara uyğun maraqlı əyləncəli tapşırıqlar yerinə yetirməklə riyazi bacarıqlarını daha da təkmilləşdiriblər. Layihə boyunca online müəllim, şagird seminarları təşkil olunub. Şagirdlər bir-birləri ilə fikir mübadiləsi apararaq öz dərslərində həyata keçirdikləri təcrübələri bölüşüblər.
Layihədə Türkiyədən 7, Azərbaycandan 1, Rumıniyadan 1, Moldovadan 1, Yunanıstandan 2, Bolqarıstandan 1 müəllim iştirak edib.
Layihənin qurucu ortağı olan Lamiyə Ələsgərova Bakı şəhəri, 255 nömrəli tam orta məktəbin ibtidai sinif müəllimidir. Layihədəki fəaliyyətlərini şagirdləri ilə bərabər böyük həvəslə yerinə yetirib. Layihədə əyləncəli vurma yarışı, kahoot web2 oyunu, saatımla meydan oxuyuram oyunu, həndəsi fiqurlar haqqında ortaq hekayə yazılışı və bu kimi digər fəaliyyətlər həyata keçirilib. Hal-hazırda layihə sona çatmaq üzrədir.
Layihə iştirakçıları Milli və Avropa keyfiyyət nişanı üçün müraciət ərizələrini hazırlayırlar.
TƏHSİL MEDİA