18.06.2025-ci il tarixində keçirilən sertifikasiya imtahanında şikayətlər artmağa davam edir. Tehsil.media saytına daxil olan şikayətlərdən biri də İngilis dili müəllimindən idi. İngilis dili müəllimi tapşırıqlarda vaxt faktorunun nəzərə alınmaması, sualların çətinlik səviyyəsindən şikayət edirdi. Bir Azərbaycan vətəndaşı kimi haqlı olaraq isyan edir. Keçən il ingilis dili sertifikasiya imtahanında sualların asan, çox sadə olması, bu il isə tam əksinə çox çətin tapşırıqlar, mürəkkəb mətnlər olması ayrı-seçkilik, qərəzlilik olduğunu bildirir. Keçən il səhhəti ilə əlaqədar iştirak edə bilməyən müəllim sualların çox sadə olması, müəllimlərin çox asan şəkildə imtahadan keçməsinə qarşılıq bu il MİQ-çilərə görə bu qədər çətin sualların salınması ikrah hissi yaratmaqdan, ədavətdən başqa bir şey deyil-deyə bildirir. Müəllim birbaşa niyə bizə düşmən kimi baxırlar? Niyə bu şəxsi-qərəzliliyi yaradırlar? Biz insan deyilmiyik?! Niyə eyni məktəb müəllimi olaraq birimizə çox asan, digərimizə çox çətin suallar verilməlidir? Bəs müəllim nüfuzu, hörməti, məktəbdəki yeri, müəllimlər arasında prinsip salmaq istəyirlər, nədir bu hal?!

Keçən ilkinə ekvivalent suallar hazırlayın və yenidən təşkil edin. Bu ədalət deyil! Bu qanunsuzluqdur. Bu ayrı-seçkilikdir.