Bildiyimiz kimi, 2025-ci tədris ilində kimya, biologiya, fizika, informatika, coğrafiya fən müəllimləri Sertifikasiyaya cəlb olunub. 30 may ARTİ müəllimlər üçün sınaq imtahanı keçirildi. İmtahanda texniki, mexaniki səhvlərdən əlavə KİMYA MÜƏLLİMLƏRİNİN sualları olduqca qəliz və vaxtaparan idi. Bu müəllimlərin etirazına səbəb oldu. Həm "Sertifikasiyada çox sadə suallar olur, bunları bilməyən müəllim işləməsin" devizi vurulur. Həm də çətin sual salıb müəllimlərin taleyi ilə oynayırlar. Həm də bu ziddiyyət müəllimlərin nüfuzunu heçə endirir.

Bir ildə hər dəfə yeni bir fikir ortaya qoyulur. Əvvəl biologiya və informatika fənlərindən çətin suallar olacağı fikri bildirildi və dəfələrlə müraciət edildikdən sonra məlumat verildi ki, suallar çox sadə öz məktəbinizdə şagirdlərə keçdiklərindən, uşaqların yazdığı tapşırıqlardan düşəcəyi bildirildi. Hətta Təhsil TV - də də Nazirlik nümayəndəsi bunu dəfələrlə vurğuladı. Uşaqların yazdığı həmin tapşırıqlar müəllimlərə yönləndiriləcək. Kimyadan salınan suallar heç də belə deyildi. Bundan əlavə vaxt faktoru nəzərə alınmamışdır. Bu sualları bilən müəllimlər belə vaxtı çatdırıb cavablandıra bilmirlər.

Niyə ARTİ, MÜTDA müəllimlərlə belə əylənir? Niyə onları belə incidir? Yaş faktoru da nəzərə alınmalıdır. Müəllimlər həyəcan, stress keçirilər. Təhsilə olan etimad tamamilə məhv olur. Eşqi Bağırov, Elnur Əliyev, Nurlan İsmayılbəyli nə düşünürlər? Ordan sifariş verilir falan qədər müəllim kəsilməlidir. Bunu qanuni yolla etmək üçün suallarla oynayırlar. Burda hansı ədalətdən danışmaq olar???

Metodikadan onsuz hər il bir oyun çıxardılar. Bu il də inteqrasiya söhbətini ortaya atdılar. İxtisasdan da sualların çətinlik dərəcəsi və vaxt faktoru nəzərə alınmamışdır.

Müəllimlərə qarşı bu qədər ədalətsizlik niyə? Bu kin, nifrət niyə? Niyə insanlarda ikrah hissi yaradırsınız???