Sizin Reklam Burada
“İstintaq bitmədən azərbaycanlı əsirlər qaytarıla bilməz" - Armen Xaçatryan
"Azərbaycan hərbçilərinin əməllərinə hüquqi qiymət verilməlidir və yalnız bundan sonra onların dəyişdirilməsi məsələsinə baxıla bilər".
tehsil.media erməni mediasına istinadən xəbər verir ki, bu barədə Ermənistan parlamentinin hakim "Mülki Müqavilə" partiyasından olan deputatı Armen Xaçatryan deyib:
"Azərbaycanlı əsirlərin istintaq bitməmiş geri qaytarılması istisna edilməlidir. Onların erməni hərbi əsirlərlə dəyişdirilməsinin mümkünlüyünü nəzərə alsaq belə, ilk növbədə bütün hallar araşdırılmalı və yalnız bundan sonra razılaşmalar müzakirə edilməlidir. Hələlik belə razılaşmaların olub-olmayacağı barədə heç nə deyə bilmərəm, lakin istintaq başa çatacaq, ardınca məhkəmə olacaq”, - Xaçatryan vurğulayıb.
Xaçatryan qeyd edib ki, heç bir məsələ güc yolu ilə həll oluna bilməz. Amma Geosiyasi vəziyyət elədir ki, hər şeyə hazır olmaq lazımdır. Xatırladaq ki, aprelin 10-da Azərbaycan Müdafiə Nazirliyi Naxçıvanda iki hərbçimizin azaraq itkin düşməsi barədə məlumat yayıb. Onlardan biri aprelin 10-da, digər hərbçimiz isə aprelin 13-də Ermənistan tərəfindən əsir götürülüb.
