“Bu il rekord sayda dərslik nüsxələnib”

tehsil.media xəbər verir ki, bunu Elm və Təhsil Nazirliyinin Ümumi və məktəbəqədər təhsildə məzmun, tədris və qiymətləndirmə şöbəsinin müdiri Vəfa Yaqublu bildirib.

“Nazirlər Kabinetinin qərarına əsasən ümumi orta təhsil səviyyəsində dərsliklər hər 4 ildən bir, tam orta təhsil səviyyəsində dərsliklər isə 5 ildən bir yenilənə bilər. Yeni tədris ili üçün 61 dərslik üzərində işləmişik. Bunlardan 37-si yeni hazırlananlardır. Digərlərinin üzərində isə təkmilləşdirilmə işləri aparılıb. Ümumilikdə bu il 318 adda dərslik məktəblərə təqdim edilib. Bu isə 7 milyon 7 yüz mindən çox nüsxə deməkdir. Sözügedən nüsxə sayı bu zamana qədər olan rekord göstəricidir” - deyə o, fikirlərini tamamlayıb.