Sumqayıt Regional Mədəniyyət İdarəsinə tabeli Qobu qəsəbə Uşaq İncəsənət məktəbinin müəllim və şagird kollektivi tərəfindən “Heydər Əliyev ili” çərçivəsində yekun hesabat konserti təşkil olunub.


tehsil.media xəbər verir ki, hesabat konsertində Ağsaqqallar şurasının nümayəndələri və qəsəbə sakinləri iştirak edib

Dövlət Himninin sədaları altında başlanan tədbirdə Ulu Öndər Heydər Əliyevin və şəhidlərimizin ruhu bir dəqiqəlik sükutla yad edilib.
Sonra tədbirin aparıcısı Mətanət İsgəndərova gələn qonaqları salamlayıb və konsert proqramı haqqında qısa məlumatla çıxış edib. Daha sonra məktəb kollektivinin üzvlərinin müxtəlif çalğı alətlərində ifaları, xalq musiqiləri və milli rəqsləri iştirakçılar tərəfindən alqışlarla qarşılanıb.
Qobu qəsəbə Uşaq İncəsənət Məktəbinin direktoru Azər Bayramov il boyu fəal iştirak edən müəllimlər və şagirdləri fəxri fərmanlarla təltif edib.
Sonda rəsm kursunun şagirdlərinin müxtəlif mövzulu rəsm əsərlərindən ibarət sərgisi nümayiş olunub.

My Webpage

TƏHSİL MEDİA