Nəzakət Mehdiyeva çıxış edir və fikirlərini dilə gətirir. Belə çıxır ki, təhsilimizdə müəyyən məsələləri müəllimlər bilmir. Yaxşı bəs Nəzakət Mehdiyeva, niyə bilmirlər? Metodiki Dəstək və Peşəkar İnkişafa siz baxırsız. Niyə siz və komandanız müəllimləri düzgün məlumatlandırmırsınız? Vəzifə satışa çıxarılır və ya "xala qızı", "dayı qızılar" işə düzəlir. Axrı da belə olmalıydı...

18 ildir təhsil sistemini dəyişmişik, niyə bu gün hələ də altstandart nədir, icmal nədir bilmir müəllimlər? Bu problem tamamilə SİZİN SƏRİŞTƏSİZLİYİNİZDİR. Təlimləri yazırsız, ya keçmirsiz, ya yola verirsiz. Keçirdiyiniz təlimlərin qiymətləndirməsini də müəllimlər ya kənardan metodika müəllimi tutub pulla ona etdirirlər, ya da təlimi keçən müəllim biabr olmasın deyə testin cavablarını özləri verir.

Məktəblərə gündə bir xəbərdarlıq göndərirsiz, vallah direktorlar sizin ağıl sağlığınızdan şübhələnir. Bir dediyiniz bir dediyinizi tutmur. Bildiyiniz məlumatları belə sonuna kimi öyrətmirsiniz ki, bütün müəllimlər sizdən asılı olsunlar. Bu vətənə xəyanət deyil də nədir?! Müəllim adına, şərəf, ləyaqətinə ilk zərbəni elə özünüz vurursuz.

Deyir guya siz sertifikasiyaya görə təlimlər keçirsiniz. Bir Allahın qulu yoxdur ki, sizin təlimlə imtahandan keçsin. Hamısı kənardan metodika müəllimlərinə pul verib özəl olaraq dərs alırlar ki, işlərinə bais olmayasınız.

Metodist təlimləri keçirsiniz. Həmin təlim materialları bizdə də var. Çox gülünc haldır. Yəni onu bilənə metodist deyirsinizsə, onda belə çıxır ki, direktorlar bir-bir Elm və Təhsil naziri kimi fəaliyyət göstərə bilərlər. ARTİ-nin öz əməkdaşları hərəsi əlinə bir Maksimum-TAİM kitabı alıb mən Nazirlik işçisiyəm adı ilə təlim keçir. Bu nə deməkdir?! Bu nə biabrçılıqdır.

Gedirsiz məktəblərə təlimlərə. Bütün müəllimlər bildirir ki, heç nə öyrətmirlər, heç özlərinin bir şeydən başları çıxmır. Gələn yalandan slaydı əzbərə danışıb gedir. Çoxunun da adına təlim yazılır. Üstəlik də əksini deyəni işdən azad olmaqla hədələyirsiz. Qorxudan heç kim əsl üzünüzü demir. Çünki hamı evinə bir tikə çörək aparır.

18 ildir sizin öyrədə bilmədiyinizi müəllim cibindən pul verib qeyri bir metodika müəllimindən öyrənirsə, siz niyə varsınız???
Hansı keyfiyyətdən, hansı uğurdan söhbət gedir?

Yersiz Beynəlxalq əlaqələndirmələr edirsiz. Ancaq təlim yazıb, hətta onun - bunun adına təlim yazıb pul götürməkdən başqa hansı səriştəniz var?

Bir iş göstərin ki, biz bununla müəllimlərə dəstək olduq - deyin. YOXDUR! Ancaq müəllimlərə problem yaradıb, asılılıq edib müəllimlər üzərindən pul yeyirsiniz. Siz və səriştəsiz komandanıza görə müəllimlər əziyyət çəkir.