Xaricdə təhsil almaq hər kəsin arzusudur. Xaricdə təhsil almağın özünəməxsus üstünlükləri və bir sıra çətinlikləri var. Bu barədə xaricdə təhsil üzrə mütəxəssis tehsil.media-a açıqlama verib. O bildirib ki, ölkəmizdə xaricdə təhsilə marağın artmasının əsas səbəblərdən biri də iş imkanlarının çox olmasıdır: "Təhsilin keyfiyyəti də əsas faktorlardan biridir. Bildiyimiz kimi, ölkəmizdə ixtisaslı kadr yetişdirmək asan deyil. Xaricdə təhsilin əsas üstünlüklərindən biri də, daha geniş təcrübələr vəd etməsidir. Xaricdə təhsil alan tələbələr təhsil aldıqları ölkənin mədəniyyətinə, təhsil sisteminə bələd olurlar. Belə olduğu təqdirdə ölkələrinə geri qayıtdıqları zaman öyrəndikləri bilikləri və təcrübələri tətbiq edirlər".

Mütəxəssisin sözlərinə görə, xaricdə təhsil üzrə bir sıra proqramlar mövcuddur: "Onların arasında ikili proqramlar, 2019-2023-cü il üzrə doktorantura proqramları və 2022-2026-cı illəri əhatə edən bakalavr və magistr proqramları var. Dünyada Asiya ölkələri arasında Çin, Koreya, Yaponiya universitetləri reytinqi yüksək universitetlər siyahısına daxildir. Lakin ölkəmizdə həmin universitetləri seçən az sayda tələbə mövcuddur. Xaricdə təhsil alan tələbələrin ən böyük problemi adaptasiya məsələsidir. Həmin mühitə uyğunlaşa bilmirlər. Burada psixoloji amilləri də qeyd etmək olar. Ailədən uzaqda və yad bir ölkədə tək qalmaq psixoloji narahatlıq yarada bilər.Qeyd edək ki, xarici ölkələrdə ən çox tələbat olan ixtisaslar Komputer mühəndisliyi, tibb və mühəndislik sahəsidir".

Ülkər Abdurahmanlı