Sosial şəbəkələrdə abituriyentlər ixtisas seçiminin nəticələrinin açıqlanması ilə bağlı kütləvi şəkildə suallar ünvanlayırlar. Bəzi qeyri-rəsmi mənbələr nəticələrin bu gün elan olunacağı barədə məlumat yayıb.

Mövzu ilə bağlı AzEdu.az Dövlət İmtahan Mərkəzinə (DİM) sorğu göndərib.

DİM-dən verilən cavabda bildirilib ki, nəticələrin açıqlanması ilə bağlı hələlik dəqiq tarix müəyyən edilməyib:

“Həmçinin, 11 illik bazada kolleclərə ixtisas seçimi ali məktəblərə qəbulun nəticələri elan olunduqdan sonra başlayacaq”.

Qeyd edək ki, bakalavriat səviyyəsi üzrə ali təhsil müəssisələrinə elektron ixtisas seçimi zamanı 86 468 abituriyent ərizəsini təsdiqləyib.

Qruplar üzrə göstəricilər belədir:

- I qrup üzrə Azərbaycan bölməsində 22210, rus bölməsində 1710 olmaqla ümumilikdə 23920 ərizə təqdim olunub.

- II qrup üzrə Azərbaycan bölməsində 17684, rus bölməsində 1359 olmaqla ümumilikdə 19043 ərizə daxil olub.

- III qrup üzrə Azərbaycan bölməsində 22134, rus bölməsində 2284 olmaqla ümumilikdə 24418 ərizə qeydə alınıb.

- IV qrup üzrə Azərbaycan bölməsində 6320, rus bölməsində 647 olmaqla ümumilikdə 6967 ərizə təqdim edilib.

- V qrup üzrə Azərbaycan bölməsində 14351, rus bölməsində 2167 olmaqla ümumilikdə 16518 ərizə təqdim edilib.