Bu gün Dövlət İmtahan Mərkəzində coğrafiya fənni üzrə qəbul imtahanlarında istifadə edilən qiymətləndirmə tapşırıqlarının hazırlanması, ekspertizası və yoxlanılmasına dair hazırlıq kursunun dördüncü məşğələsi keçirilib.

Mərkəzdən "tehsil.media"a bildirilib ki, hazırlıq kursu həm əyani, həm də onlayn formada keçirilib.

Hazırlıq kursunda yalnız elektron qeydiyyatdan keçmiş, ixtisası müvafiq fənnə uyğun olan müəllimlər, metodistlər və pedaqoji profilli ali təhsil müəssisələrinin bakalavriat səviyyəsində həmin fənn üzrə təhsil alan sonuncu kurs tələbələri və magistrlər iştirak ediblər.

Moderator Nərminə Seyfullayeva cavabı yazı ilə ifadə olunan tapşırıqların qiymətləndirmə meyarlarının hazırlanmasına verilən tələblərlə bağlı təqdimatla çıxış edib.

Təqdimat ətrafında müzakirələr aparılıb. Kurs iştirakçılarını maraqlandıran suallar cavablandırılıb.

Hazırlıq kursunda nəzəri materialların təqdimatına həsr olunmuş birinci mərhələ başa çatıb və kurs iştirakçılarına ev tapşırığı verilib.

Hazırlıq kursunun beşinci məşğələsi 24 noyabr 2023-cü ildə keçiriləcək.