AMEA-nın Nəsimi adına Dilçilik İnstitutunun Hind-Avropa dilləri şöbəsinin müdiri, professor İlham Tahirovun “İngilis strukturalizmi müstəqil dilçilik məktəbi kimi” kitabı çap olunub.

tehsil.media xəbər verir ki, bu barədə "Tehsil.biz"ə Dilçilik İnstitutundan məlumat verilib.

Kitabın redaktoru professor Nadir Məmmədli, rəyçiləri professor Məsud Mahmudov, dosentlər Baba Məhərrəmli və Gülşən Axundovadır.

Nəşrdə Böyük Britaniyada ilk ümumi dilçilik professoru Con Rupert Försün dilçilik görüşləri, məktəbin əsas simaları və onların fəaliyyət məsələləri araşdırılıb.

Vəsaitdə ingiliz strukturalizminin tədqiq tarixi, ingilis strukturalizmi linqvistik strukturalizmin müstəqil istiqaməti kimi, ingilis strukturalizminin linqvistik ideyaları, ingilis strukturalizminin semantik ideyalarının müasir dilçilikdə inkişafı məsələləri tədqiq olunub.