Müəllimlik ən müqəddəs peşələrdəndir. Müəllimlər bizim üçün hörmətə və hər cür dəyərə malik peşə sahibləridir. Amma, maddi dəyər olaraq, hələ ki layiq olduqları maaşı ala bilmirlər.

Son zamanlar müəllimlər üçün yaranmış problemlərdən biri edu.gov.az saytında müəllim maaşının hesablanması
üçün verilən onlayn kalkulyatorun hesabı ilə mühasibatın hesabı arasında fərqlərin olmasıdır. Bu fərq cüzi fərq olduqda problem deyil, amma fərq böyük olduqda müəllimlərin də şikayət etməsinə və məyus olmasına səbəb olur.
Araşdırdqda bir çox məktəblərdə və müəllimlərin maaşlarında eyniyyət təşkil etdiyi halda, nədənsə bəzi müəllimlərdə açıq bir fərq özünü göstərir.

Qeyd edək ki, dövlət ümumi təhsil müəssisələrində çalışan müəllimlərin əməkhaqqının hesablanması üçün onlayn kalkulyator xidməti yenilənərək vətəndaşların istifadəsinə verilib.

Bunun üçün Təhsil Nazirliyinin rəsmi internet səhifəsinin “Onlayn kalkulyator” (https://edu.gov.az/calculator) keçidinə daxil olmaq lazımdır. Onlayn kalkulyator xidməti vasitəsilə ümumi təhsil müəssisələrində çalışan bütün müəllimlər əməkhaqqını hesablama imkanı əldə edirlər.

Müəllimlər “Onlayn kalkulyator” (https://edu.gov.az/calculator) keçidinə daxil olmaqla müvafiq məlumatları qeyd etməli və “Hesabla” düyməsini seçməlidir. Bu zaman hesablanmış əməkhaqqı ekranda əks olunur. Müəllimlər ödənilən əlavələr, əməkhaqqından tutulmalar barədə məlumatları sağ tərəfdə açılan cədvəl vasitəsilə əldə edirlər.

Onu da qeyd edək ki, yeni xidmətin yaradılmasında əsas məqsəd şəffaflığın və əlçatanlığın artırılmasıdır.

Burdan da belə nəticəyə gəlirik ki, əlçatanlığın artması şəffaflığın olmamasını da göstərir.