Bildiyimiz kimi ixtisas seçimi yaxınlaşır. Və bu dövrdə az bal toplayan abituriyentləri təhsil krediti mövzusu narahat edir.

2022-ci ilin 17 iyununda Prezident İlham Əliyevin fərmanı ilə Təhsil Tələbə Kredit Fondu yaradılıb. Noyabrın 25-dən fond fəaliyyətə başladı. Çünki təhsil kreditini bütün tələbələr ala bilmir. Bəs hansı tələbələr təhsil krediti ala bilməyəcək?
TehsilMedia.az xəbər verir ki, Təhsil Tələbə Krediti fondunun idarə heyətinin rəhbəri Araz Paşayev tələbə krediti haqqında məlumat verib. O bildirib ki, təhsil krediti təhsildə əlçatanlığın təmin edilməsi baxımından rolu olduqca böyükdür və aztəminatlı ailələrin təhsilə çıxışını təmin edir. Onun sözlərinə əsasən, təhsilin bakalavriat (əsas (baza ali) tibb təhsili) və magistratura (rezidentura) səviyyələrində, orta ixtisas təhsili pilləsində və peşə təhsili pilləsinin yüksək texniki peşə təhsili səviyyəsində əyani təhsil alan ödənişli tələbələr tələbə kreditindən yararlana biləcəklər.
Tələbə Təhsil Kreditinin sosial və standart növləri mövcuddur.
Aşağıdakı tələbələr təhsillərinin birinci tədris ilinin ilk semestrindən (yarımildən) sosial TTK-dən istifadə etmək hüququna malikdirlər:
1. ünvanlı dövlət sosial yardımı alan ailələrin üzvləri;
2. 3-cü dərəcə əlilliyi olanlar;
3. hər iki valideyni (tək valideyni olduqda isə həmin şəxs) aşağıda qeyd olunan kateqoriyaların hər hansı birinə aid olanlar:
1-ci və ya 2-ci dərəcə əlilliyi olanlar;
işsiz kimi qeydiyyatda olanlar;
yaşa görə əmək pensiyası alanlar;
yaşa görə sosial müavinət alanlar.

Təhsil kreditləri Azərbaycan Respublikasının vətəndaşları üçün nəzərdə tutulub. Kimlər ki, Azərbaycan vətəndaşı deyil və əcnəbi tələbələrdir, onlar təhsil kreditindən istifadə edə bilməzlər. Qiyabi təhsil alan tələbələr də bu kreditdən yararlana bilməzlər. Akademik borcu olan tələbələrə TTK verilmir.

TƏHSİL MEDİA