"Azərbaycanın müasir tələblərə cavab verən seysmoloji xəritəsi yoxdur. Hazırda Fövqəladə Hallar Nazirliyi ilə birlikdə bu istiqamətdə işlər aparılır".

TehsilMedia.az xəbər verir ki, bunu Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin baş direktoru, AMEA-nın müxbir üzvü, professor Qurban Yetirmişli iyulun 4-də Xəzər dənizində baş vermiş zəlzələyə dair keçirilən mətbuat konfransında deyib.

Onun sözlərinə görə, Azərbaycanda bu xəritə ən son 1957-ci ildə olub:

"Bizim tərəfdən yeni xəritə üçün təklif verildi və işlər aparılır".