Təhsildə Keyfiyyət Təminatı Agentliyi (TKTA) ilə Azərbaycan Dillər Universiteti, Azərbaycan Tibb Universiteti və Azərbaycan Əmək və Sosial Münasibətlər Akademiyası arasında təlim xidmətlərinin göstərilməsinə dair əməkdaşlıq müqavilələri imzalanıb.

tehsil.media xəbər verir ki, müqavilələrə əsasən TKTA tərəfindən hər üç ali təhsil müəssisəsində təlimlərə start verilib.

Əməkdaşlıq müqavilələri çərçivəsində TKTA-nın Keyfiyyət təminatı departamentinin Təlim və metodologiya şöbəsi tərəfindən qeyd olunan ali təhsil müəssisələrində xarici keyfiyyət təminatına dair təlimlər təşkil olunacaq. Təlimlərin əsas məqsədi akademik və inzibati heyətə ali təhsil müəssisələrinin xarici keyfiyyət təminatı qaydalarına və qiymətləndirmə meyarlarına dair geniş məlumatların verilməsidir.

Qeyd edək ki, daxili və xarici keyfiyyət təminatı istiqamətində təlimlərin təşkil edilməsi TKTA-nın öz Nizamnaməsinə əsasən fəaliyyət istiqamətlərindən biridir.