Naxçıvan Muxtar Respublikasında “Müasir metodist” layihəsi çərçivəsində ümumtəhsil müəssisələrində fəaliyyət göstərən müəllimlərlə onlayn formatda müsahibələr aparılıb.

AzEdu.az xəbər verir ki, müsahibə Azərbaycan Respublikasının Təhsil İnstitutunun Metodik Dəstək Mərkəzi tərəfindən keçirilib.

Müsahibə prosesi zamanı müəllimlərin özünütəqdimetmə bacarığı, tədris prosesinin planlaşdırılması, metodik və pedaqoji savadlılıq, ünsiyyət və əməkdaşlıq bacarıqları, problemhəll etmə bacarığı, liderlik xüsusiyyətləri və peşəkar inkişaf səviyyələri dəyərləndirilib.

Müsahibə nəticələrinə əsasən, müəyyən olunan meyarlara cavab verən və yüksək nəticə göstərən iştirakçılar növbəti mərhələyə keçmək hüququ əldə edəcəklər.

Qeyd edək ki, “Müasir metodist” layihəsi çərçivəsində müsahibələr mərhələli şəkildə davam etdirilir.