Akademik Abdulla Qarayev adına Fiziologiya İnstitutunun bir qrup əməkdaşının "Qafqaz-Media” İctimai Birliyinin nümayəndəsi ilə görüşü keçirilib.

tehsil.media xəbər verir ki, görüşdə "Heydər Əliyev İli” çərçivəsində görülən işlər haqqında danışılıb. Qeyd edilib ki, Ulu Öndər Heydər Əliyev elm və təhsilin inkişafını daim diqqətdə saxlayıb, o cümlədən elm-təhsil problemlərinə kompleks şəkildə yanaşıb.

Daha sonra institutun baş direktoru, biologiya elmləri doktoru, professor Ulduz Həşimova "Qafqaz-Media” İctimai Birliyinin təsis etdiyi "Heydər zirvəsi 100” diplomu və nişanı ilə təltif olunub. Azərbaycanın Ümummilli Lideri Heydər Əliyevin anadan olmasının 100 illiyi yubileyi münasibətilə dövlətə və dövlətçiliyə sadiq ziyalı nominasiyası üzrə təltif olunan U.Həşimova birliyə öz təşəkkürünü bildirib, gələcəkdə yaradılacaq birgə əmakdaşlıq çərçivəsində müzakirələr aparılıb.