“Yol hərəkəti qaydalarını bilirəm!” adlı maarifləndirici videoçarx müsabiqəsinin təltifetmə mərasimi keçirilib.
TehsilMedia.az xəbər verir ki, maarifləndirici videoçarx müsabiqəsi “Nərdivançı” sosial müəllim layihəsinin Daxili İşlər Nazirliyinin (DİN) Baş Dövlət Yol Polisi İdarəsinin dəstəyi və Avtosfer.az saytının informasiya dəstəyi ilə təşkil edilib.
Bakı şəhəri, Səbail rayonu, 7 saylı məktəbdə keçirilən tədbirdə məlumat verilib ki, “Nərdivançı” sosial müəllim layihəsi 2020-ci ilin aprel ayında pandemiya vaxtı bir qrup könüllü müəllim tərəfindən yaradılıb. “Nərdivançı”nın rəhbəri, Cəlilabad rayon, Alar kənd 2 saylı məktəbin müəllimi Elçin Abbasov bildirib ki, layihə müəllimlərin asudə vaxtlarını səmərəli keçirməsi, bilik və fəaliyyətlərinin təkmilləşdirilməsi və tanıdılması, peşəkar pedaqoqlarla təcrübə mübadiləsi aparılması məqsədi ilə gerçəkləşdirilir.
Çıxışlardan sonra qalib komandalara mükafatlar təqdim edilib.