Sizin Reklam Burada
Rüşvət yığan məktəb direktoruna qarşı niyə tədbir görülmür? – Bu vəzifəli şəxsə arxayındır
245 nömrəli məktəbdə qanunsuzluq və rüşvət halları davam edir.
245 nömrəli tam orta məktəbin direktoru Arzu Azadəliyevanın təlim-tərbiyə üzə 3 müavini və tərbiyə üzrə 2 müavini var. Heç ABŞ prezidentinin bu sayda müavini yoxdur.
Tehsilmedia.az-a daxil olan şikayətə görə bu məktəb direktorunun beş müavini var. Ramilə Əsgərova, Rəna Əbilova, Təranə Şəmsizadə, Rübabə Əhmədova, Elnur Rüstəmov və Sədaqət Quliyeva – adını sadaladığımız şəxslər bu direktorun təlim-tərbiyə işləri üzrə müavinləridir. Bu, dövlət vəsaitini talamaq deməkdir. Rəhbər şəxsin bir sahə üzrə yalnız bir müavini ola bilər.
Daxil olan şikayətə əsasən, bəlli olur ki, məktəb təhsil qanunları ilə deyil, Arzu Azadəliyevanın müəyyən etdiyi özəl qaydalarla idarə olunur.
Şikayətçi müəllim qeyd edib ki, 8 və 9-cu siniflərə biologiya kabinetində dərs keçməyə qadağa qoyulub. Həmin təlimatı direktor öz facebook səhifəsində etdiyi paylaşımla bildirib. Mən həmin qadağanı qəbul etmədiyim üçün direktor müavini hər gün mənə akt tərtib edir.
Həmin müəllim həmçinin qeyd edib ki, məktəb direktorunun rüşvət alması və qanunsuzluq yaratması barədə əlində tutarlı faktlar var. O bildirib ki, bu faktları aidiyyatı qurumlarla paylaşmağa hazırdır. Hətta belə qanunsuzluğa yol verdiyinə görə, məktəb direktoru keçən il töhmət də almışdı. Lakin vəzifəli qardaşına arxayın olan direktor müavini bu töhmətdən heç ağıllanmayıb.
Hansı qanun imkan verir ki, məktəb direktoru texniki təminat üçün valideynlərdən pul yığır və məktəbin həyətinin təmizlənməsində şagirdlərin əməyindən istifadə edir? Direktor müavinin vəzifəli qardaşı kimdir? Nəyə görə bu məktəb barədə heç bir tədbir görülmür?
Aidiyyatı qurumlarına göndərdiyimiz müraciətə tez bir zamanda baxılmasını və məsələnin həll yolunu tapmasını ümid edirik.
Ülkər Abdurahmanlı
