Bu günlərdə Azərbaycan Tibb Universitetinin I Cərrahi xəstəliklər kafedrasının müdiri, AMEA müxbir üzvü, professor Nuru Bayramov İnönü Universitetinin “Fəxri Doktoru” seçilib.
TehsilMedia.az xəbər verir ki, Fəxri Doktor diplomunu Universitetin Senatosunda rektor Prof. Ahmet Kızılay təqdim edib. Rektor qeyd edib ki, ATU ilə İnönü Universiteti və Qaraciyər Nəqli İnstitutu arasında əlaqələr iki qardaş ölkə arasındakı əməkdaşlığın ən yaxşı örnəklərindən biri sayıla bilər. ƏIaqələrimiz 2010-cu ildən başlamışdır.
Qaraciyər Nəqli İnstitutunun direktoru Prof. Sezayi Yılmazın briqadası Prof. Dr. Nuru Bayramovla Azərbaycanda qaraciyər transplantasiyası həyata keçirməyə başladı. 2012-ci ildə İnönü Universitetinin əvvəlki rektoru Prof. Cəmil Çiçək ilə akademik Əhliman Əmiraslanov arasında müqavilə bağlandı və əməkdaşlığımız rəsmiləşdi. 2018-ci ildə İnönü Universitetinin rektoru Prof. Dr. Ahmet Kızılay Bakıya gəldi, ATU rektoru Prof. Gəray Gəraybəyli ilə görüşdü, müqaviləmiz yeniləndi və əlaqələrimizin inkişafı üçün imkanlar daha da genişləndi.
Hazırda İnönü Universiteti və Qaraciyər Nəqli İnstitutu ilə əlaqələrimiz yüksək səviyyədədir. Elmi və praktik əməkdaşlıqlarımız təqdirəlayiq formada davam edir.
Prof. Dr. Sezayi Yılmazın və Prof. Nuru Bayramovun həmsədirliyi ilə 2015-ci ildən başlayaraq hər il fevral-mart aylarında Bakı-Malatya Transplantasiya Günləri adlı beynəlxalq konfranslar keçirilir.
Karaciger Nakli İnstitutunda və ATU-da qaraciyər transplantasiyası üzrə 4 doktorluq dissertasiyası tamamlanmış və tamamlanmaq üzrədir (mikroelementlər, mikro-RNA-lar, histonlar və transplantasiyadan sonra reproduktiv funksiya mövzuları).
Hər il İnönü Universiteti Karaciger Nakli İnstitutunda qaraciyər transplantasiyası üzrə beynəlxalq tərdis kursları keçirilir. Kurslarda gənc transplantoloqlara, o cümlədən tibb bacılarına transplantasiya üzrə nəzəri və praktik bilgi verilir. Bu kursların birində eyni gündə 5 canlı qaraciyər transplantasiyası yerinə yetirildi və Ginnesin Rekordlar Kitabına düşdü. Bu kurslarda ATU-nun bir neçə əməkdaşı da iştirak etmişdir.
İndiyədək ölkəmizdən olan 15 nəfərdən çox həkim və tibb bacısı Karaciger Nakli İnstitutunda 1-12 ay müddətində ixtsasartırma keçmişdir.
Hər həftənin 1-ci günü saat 5-də Malatya (Prof. Dr. Sezayi Yılmaz və b.), Kaliforniya (Prof. Dr. Brian Carr və b.) və Bakıdan (Prof. Nuru Bayramov və b.) olan cərrahlar, transplantoloqlar, radioloqlar, invaziv radioloqlar, radioterapevtlər, onkoterapevtlər, patoloqlar və rezidentlərin iştirakı ilə “Qaraciyər Törəmələri” Konseyi keçirilir.
Universitetimizin 90 illik konfransında, Əziz Əliyevin yubileyində, Heydər Əliyevin 100 illik yubileyinə həsr olunmuş konfransda İnönü Universitetinin əməkdaşları aktiv iştirak etmiş, maraqlı çıxışlar etmişlər. 2022-ci ildə Qaraciyər Nəqli İnstitutunun Direktoru Prof. Dr. Sezayi Yılmaz Universitetimizin Elmi Şurası tərəfindən “Qonaq Professor” fəxri adına layiq görülmüşdür.