Şimali İrlandiyada inteqrasiya olunmuş məktəblərə qarşı valideyn etirazları artır. Yahoo News-un yaydığı məlumata görə, aparılan son tədqiqatlar göstərir ki, valideynlərin təxminən 25 faizi uşaqlarını fərqli dini icmalardan olan şagirdlərlə birgə təhsil alan məktəblərə göndərmək istəmir.

AzEdu.az-ın xarici mediadan əldə etdiyi məlumata görə, mütəxəssislər bu rəqəmi bölgədə uzun illər davam edən dini və sosial qütbləşmənin təsiri kimi qiymətləndirir. Şimali İrlandiyada Protestan və Katolik icmalar arasında tarixi qarşıdurmalar səbəbindən məktəblərin əksəriyyəti hələ də dini əsaslara uyğun təşkil olunub.

Hökumətin təklif etdiyi tam inteqrasiya siyasəti yəni şagirdlərin dinindən asılı olmayaraq birgə təhsil alması – ictimaiyyətin bir hissəsi tərəfindən tərəqqi addımı, digərləri tərəfindən isə mədəni identikliyə təhlükə kimi qəbul edilir.