Tədbirdə Məktəbəqədər və Ümumi Təhsil üzrə Dövlət Agentliyinin direktor müavini Nərminə Hüseynova, Dağlıq Şirvan Regional Təhsil İdarəsinin müdiri Ramin Abasov və idarənin əməkdaşları, həmçinin rayonlar üzrə təhsil sektorlarının rəhbər və əməkdaşları iştirak ediblər.

İdarə müdiri Ramin Abasov hesabat təqdimatı ilə çıxış edib. O, 2024-2025-ci tədris ili ərzində region üzrə təhsilin inkişaf dinamikası, mövcud problemlər, həyata keçirilmiş layihələr və nailiyyətlər barədə ətraflı məlumat verib. Statistik göstəricilər əsasında aparılmış müqayisəli təhlillər iştirakçıların diqqətinə çatdırılıb, təhsil sahəsində keyfiyyətin yüksəldilməsi istiqamətində görülmüş işlər və qarşıda duran hədəflər müzakirə edilib.

Daha sonra Məktəbəqədər və Ümumi Təhsil üzrə Dövlət Agentliyinin direktor müavini Nərminə Hüseynova çıxış edərək region üzrə tədris ilinin yekun hesabatını müzakirə etmiş, növbəti tədris ilində agentlik tərəfindən qarşıda qoyulan hədəfləri tədbir iştirakçılarının diqqətinə çatdırmışdır.

Tədbirin sonunda iştirakçılar arasında tədris prosesinin təşkili ilə bağlı qarşılıqlı fikir mübadiləsi aparılıb və növbəti tədris ili üçün ortaq məqsədlər müəyyənləşdirilib.

#MÜTDA #EduAz #DağlıqŞirvanRTİ #TədrisİlininYekunu #Hesabat